ఉచిత నిమిషాలతో కొత్త రీచార్జ్ ప్లాన్లు ప్రకటించిన Jio! ఎంతో తెలుసా?

భారతదేశంలో టెలికాం రంగ దిగ్గజం అయిన జియో తన నెట్ వర్క్ నుంచి ఇతర నెట్ వర్క్ లకు చేసే కాల్స్ కు చార్జీలు విధించిన సంగతి తెలిసిందే! ఆయా చార్జీలకు తగ్గట్లు జియో సరికొత్త ప్లాన్లను సోమవారం ప్రకటించింది. ఈ ప్లాన్లతో రీచార్జ్ చేసుకుంటే మీరు ఐయూసీ ప్యాక్ వేసుకోకుండా ఇతర నెట్ వర్క్ లకు కాల్ చేసుకోవడానికి ఉచిత నిమిషాలను అందిస్తున్నారు. మరి ఆ ప్లాన్లేంటో ఓ సారి చూద్దామా?

రూ.222 ప్లాన్..
ఈ ప్లాన్ తో రీచార్జ్ చేసుకుంటే మీకు రోజుకు 2 జీబీ డేటా, 100 ఎస్ఎంఎస్ ఉచితంగా లభిస్తాయి. జియో నుంచి జియోకు ఉచితంగా అపరిమిత కాల్స్ చేసుకోవచ్చు. జియో నుంచి ఇతర నెట్ వర్క్ కు కాల్ చేసుకునేందుకు 1000 ఉచిత నిమిషాలు అందిస్తున్నారు. ప్లాన్ వ్యాలిడిటీ 28 రోజులు.

రూ.333 ప్లాన్..
ఈ ప్లాన్ తో రీచార్జ్ చేసుకుంటే పై ప్లాన్ మాదిరిగానే రోజుకు 2 జీబీ డేటా, 100 ఎస్ఎంఎస్ ఉచితంగా లభిస్తాయి. జియో నుంచి జియోకు ఉచితంగా అపరిమిత కాల్స్ చేసుకోవచ్చు. జియో నుంచి ఇతర నెట్ వర్క్ కు 1000 ఉచిత నిమిషాలు అందిస్తారు. ఈ ప్లాన్ వ్యాలిడిటీ 56 రోజులుగా ఉంది.

రూ.444 ప్లాన్..
ఈ ప్లాన్ లో కూడా పై రెండు ప్లాన్ల మాదిరిగానే రోజుకు 2 జీబీ డేటా, 100 ఎస్ఎంఎస్ లు లభిస్తాయి. జియో నుంచి జియోకు అపరిమిత కాల్స్ ఉచితంగా చేసుకోవచ్చు. ఇతర నెట్ వర్క్ లకు చేసుకోవడానికి 1000 ఉచిత నిమిషాలు అందిస్తారు. ఈ ప్లాన్ వ్యాలిడిటీ 84 రోజులుగా ఉంది.

రూ.555 ప్లాన్..
ఇందులో కూడా పైన పేర్కొన్న ప్లాన్ల మాదిరిగానే రోజుకు 2 జీబీ డేటా, 100 ఎస్ఎంఎస్ లు ఉచితంగా అందిస్తారు. జియో నుంచి జియోకు ఉచితంగా కాల్స్ చేసుకోవచ్చు. అయితే ఈ ప్లాన్ లో ఇతర నెట్ వర్క్ లకు కాల్స్ చేసుకోవడానికి 3000 ఉచిత నిమిషాలు అందించనున్నారు. అంటే మీరు వేరే నెట్ వర్క్ లకు ఎక్కువగా కాల్స్ చేస్తే ఈ ప్లాన్ మీకు ఎక్కువగా ఉపయోగపడుతుంది. ఈ ప్లాన్ వ్యాలిడిటీ 84 రోజులుగా ఉంది.

తమ ప్రత్యర్థులు అందించే ప్లాన్ల కంటే తక్కువ ధరలకే తాము ఈ ప్లాన్లు అందిస్తున్నామని, జియో పేర్కొంది. ప్రతి నెలా సర్వీసుల పొడిగింపుకు కూడా రూ.111 మాత్రమే అదనంగా తీసుకుంటున్నామని జియో హైలెట్ చేసింది. అంటే ప్లాన్ కీ, ప్లాన్ కీ మధ్యలో కేవలం రూ.111 మాత్రమే వ్యత్యాసం ఉందన్న విషయాన్ని జియో నొక్కి చెప్పింది. అయితే ఈ కొత్త ప్లాన్లను చేర్చడంతో పాటు ఇప్పటి దాకా అందుబాటులో ఉన్న రూ.19, రూ.52 ప్లాన్లను జియో రద్దు చేసింది. రూ.19తో రీచార్జ్ చేసుకుంటే జియో ఒక్క రోజు అపరిమిత వాయిస్ కాల్స్, 20 ఎస్ఎంఎస్ లు, 150 ఎంబీ ఉచిత డేటా లభిస్తాయి. రూ.52 ప్లాన్ తో రీచార్జ్ చేసినట్లయితే.. ఏడు రోజుల పాటు ఉచిత వాయిస్ కాలింగ్, 1.05 జీబీ డేటా, 70 ఎస్ఎంఎస్ లు లభిస్తాయి.

error: Content is protected !!