మీరు 12 వ తారీఖున జన్మించారా….అయితే మీ లక్షణాలు ఎలా ఉంటాయో తెలుసా?

12 వ తారీఖున జన్మించిన వారి గుణాలు,ప్రవర్తన,బలాలు,బలహీనతలు ఎలా ఉంటాయో వివరంగా తెలుసుకుందాం. 12 వ సంఖ్యకు అధిపతి గురువు. కాబట్టి వీరి మీద గురు గ్రహ ప్రభావం ఎక్కువగా ఉంటుంది. గురువు అన్ని మంచి పనులకు,శుభకరమైన పనులకు కారకంగా ఉంటుంది. వీరు మంచి మాటకారులు. వీరి మీద ఎవరైనా కోపంగా ఉన్నా సరే వీరి మాటలతో వారి కోపాన్ని తగ్గించేస్తారు. వీరు పది మందికి సాయం చేసే గుణాన్ని కలిగి ఉంటారు. వీరు ఏ రంగంలో ఉన్నా సరే పది మందికి సాయం చేయాలనీ కోరుకుంటారు.వీరు జీవితంలో గురు గ్రహ ప్రభావాన్ని మంచికి ఉపయోగిస్తున్నారా లేదా చెడుకి ఉపయోగిస్తున్నారా అనే విషయాన్నీ ఆలోచిస్తూ ఉండాలి.

వీరికి అపారమైన తెలివితేటలు ఉంటాయి. వాటిని మంచి కోసం ఉపయోగించాలి. భగవంతుడు ఇచ్చిన తెలివితేటలను మంచికి ఉపయోగిస్తే ఉన్నత స్థితికి చేరతారు. అదే చెడు పనులకు ఉపయోగిస్తే మాత్రం ఎదో ఒక రోజు జీవితంలో విపరీతంగా నష్టపోవాల్సి వస్తుంది. వీరిని తల్లితండ్రులు చిన్నతనం నుండి మంచి మార్గంలో వెళ్లేలా ప్రోత్సహాం చేయాలి.

వీరిని మంచి మార్గంలో పెడితే కనుక వీరు దేశానికీ,సమాజానికి చాలా చక్కగా సహాయపడతారు. వీరు కావాల్సిన దాని కోసం కస్టపడి పనిచేయాలి. అలాగే తృప్తి అనేది కూడా ఉండటం చాలా ముఖ్యం. వీరు ఉన్న దానిలో తృప్తిగా జీవించటం అలవాటు చేసుకుంటే జీవితంలో చాలా సుఖ సంతోషాలు ఉంటాయి. లేకపోతే జీవితం నరకం అవుతుంది. వీరి జీవితంలో తృప్తి అనేది ముఖ్యం.