ఎక్సర్‌సైజ్‌కి ముందు ఏం తినాలి.. తర్వాత ఏం తినాలి.
ఎక్సర్‌సైజ్ చేస్తున్నారా.. ఈ విషయంలో ప్రతీ ఒక్కరూ అన్ని జాగ్రత్తలు తీసుకోవాలి. మరీ ముఖ్యంగా డైట్ పాటించాలి. ఇందులోనూ ఎక్సర్‌సైజ్ చేయడానికి ముందు.. ఎక్సర్‌సైజ్ తర్వాత ఎలాంటి ఆహారపదార్థాలు తీసుకోవాలో.. తెలుసుకోవాలి..
వర్కౌట్ అనేది ప్రతీఒక్కరికి చాలా ముఖ్యం. ఆరోగ్యంగా ఉండాలంటే ఎక్సర్‌సైజ్ చేయాలనేది అందరికీ తెలిసిందే. వ్యాయామం విషయంలో చాలా జాగ్రత్తలు తీసుకోవాలి. అప్పుడే అనుకున్న ఫలితాలు వస్తాయి. ఎందుకంటే.. కొన్నింటిని తిన్న వెంటనే ఎక్సర్‌సైజ్ చేయకూడదు. అలా చేయడం వల్ల ప్రతికూల ఫలితాలు వచ్చే అవకాశం ఉంది. వాంతులు అవ్వడం ఇలాంటివి అన్న మాట. అదే విధంగా.. తిన్న తర్వాత మొత్త ఎనర్జీ తగ్గుతుంది. ఆ సమయంలో మంచి పోషకాహారం తీసుకోవాలి. దీని వల్ల తిరిగి శక్తిని పొందుతారు. ఈ విషయంలోనూ ఇది ప్రతి ఒక్కరూ ఖచ్చితంగా పాటించాలి. ఇందులోనూ ఏయే వర్కవుట్స్‌కి ఏమేం తినాలో తెలుసుకోవడం చాలా ముఖ్యం. అవేంటో ఇప్పుడు చూద్దాం.
వెయిట్ ట్రైనింగ్..
ఈ వర్కౌట్ చేసే వారు.. ధాన్యాలు ఎక్కువగా తీసుకోవచ్చు. ఉడికించిన పచ్చి బఠాణి, నాన్ ఫ్యాట్ యోగర్ట్, చిక్కుళ్ల లాంటివి తీసుకోవచ్చు. వీటిలో 190 క్యాలరీలు ఉంటాయి. వీటితో పాటు.. వర్కౌట్ అనంతరం పావు కప్పుస్ట్రాబెర్రీస్ తినొచ్చు. దీని వల్ల 26 గ్రాముల ప్రోటీన్ లభిస్తుంది. ఇలా తినడం వల్ల అలసిన శరీరం నూతన ఉత్తేజంతో పనిచేస్తుంది.
కార్డియో..
కార్డియో ఎక్సర్‌సైజెస్ చేసేవారు.. వ్యాయామానికి అరగంట ముందు పియర్స్‌ని తేనెతో కలిపి తీసుకోవాలి. దీని వల్ల 150 కేలరీల శక్తి అందుతుంది.. వర్కౌట్ ముగిసిన తర్వాత ¾ కప్పుల చాక్లెట్ మిల్క్ తాగొచ్చు. అదే విధంగా చిన్న అరటిపండు తినొచ్చు.. ఇలా రెగ్యులర్‌గా తీసుకోవడం వల్ల అలసిన కండరాలకు సరిపడా ప్రోటీన్ అందుతుంది.
హిట్ క్లాసెస్..
సర్క్యూట్ లేదా ఇంటర్వెల్ వర్కౌట్స్ చేసేవారు.. బ్రౌన్ బ్రెడ్, ఫ్రూట్ జామ్ తీసుకోవచ్చు. దీని వల్ల 160 కేలరీల శక్తి అందుతుంది.. వర్కౌట్ తర్వాత 2 స్పూన్ల అవకాడో, 3 టేబుల్ స్పూన్స్ చీజ్ తినొచ్చు. ఇందులో సరిపడా కొవ్వులు, ప్రోటీన్‌తో పాటు 171 కేలరీలు కూడా ఉంటాయి.
అదే విధంగా.. చాలా మంది అప్పుడే తిని జిమ్‌కి, వర్కౌట్స్ చేసేందుకు వెళ్తారు. అలా ఎప్పుడూ చేయొద్దు. వర్కౌట్‌కి ఓ అరగంట ముందు తినాలి.. అప్పుడే తిని వెళ్లొద్దు. అది కూడా హెవీగా తినకూడదు. అరటిపండ్లు, ఖర్జూర పండ్లు, గుడ్లు ఇలాంటివి తక్కువ తిన్నా ఎక్కువ పోషకాలు ఉండేలా చూసుకోవాలి. ఇలా చేయడం వల్ల వర్కౌట్ హ్యాపీగా చేసుకోవచ్చు. చేసేందుకు తగినంత శక్తి ఉంటుంది.
వీటితో పాటు.. ఎక్సర్‌సైజ్ అనంతరం.. మిల్క్ షేక్, ఫ్రూట్ షేక్స్ తీసుకోవాలి. దీని వల్ల అలసిన శరీరానికి తిరిగి శక్తి అందుతుంది. అది కూడా బయట దొరికేవి కాకుండా.. అప్పటికప్పుడు సొంతంగా, ఫ్రెష్‌గా చేసుకున్నవి తాగాలి.
వీటిని అస్సలు తీసుకోవద్దు..
అదే విధంగా.. వర్కౌట్ చేసే ముందు, అనంతరం.. కూడా కొన్నింటికీ దూరంగా ఉండాలి. అవేంటంటే.. సోడా, కార్బొనేట్ డ్రింక్స్.. ఇలాంటివి తీసుకోకూడదు. ఇలా చేయడం వల్ల కిడ్నీలపై ఎఫెక్ట్ పడుతుంది. సోడా, సాఫ్ట్ డ్రింక్స్‌లో వేడి చేసే గుణం ఉంటుంది. ఇవి కిడ్నీలపై తీవ్ర ప్రభావం చూపుతాయి. అంతేనా.. ఇవి ఎక్కువగా తీసుకోవడం వల్ల మూత్రపిండాలు ఇన్ఫెక్షన్లకు గురవుతున్నట్లుగా పరిశోధకులు గుర్తించారు. మరికొంతమంది ఎనర్జీ డ్రింక్స్ తాగుతారు. దీని వల్ల ఎక్కువ సమయం ఎనర్జీ చేస్తాం.. లేదా.. ఎక్సర్‌సైజ్ చేశాక వీటిని తాగితే ఎనర్జీ వస్తుందని వారి భావన. కానీ, ఇందులో ఎంత మాత్రం నిజం లేదంటున్నారు పరిశోధకులు.. డ్రింక్స్ కూడా ఎక్కువగా తీసుకోకూడదు. ఒకవేళ అంతగా దాహం వేస్తే.. మధ్య మధ్యలో కొంచెం నీటిని తీసుకోవచ్చు. కొంత నీటిని మాత్రమే తీసుకోవచ్చు. ఎక్కువగా తీసుకోవద్దు. ఎక్సర్‌సైజ్ రెగ్యులర్‌గా చేయడం ఒక్కటే కాదు.. చేసినప్పుడు ఎలాంటి జాగ్రత్తలు తీసుకోవాలి అనేది కూడా తెలిసి ఉండాలి. అప్పుడే అనుకున్న ఫలితాలు వస్తాయి. ఈ విషయాన్నిప్రతీ ఒక్కరూ గుర్తుపెట్టుకోవాలి.