మసాలా కోడిగుడ్డు అట్టు

కావలసిన పదార్ధాలు

కోడిగుడ్డు 4
పెద్ద ఉల్లిపాయలు 2 ( చిన్న ముక్కలుగా కట్ చేయాలి )
పచ్చి మిరపకాయలు 3 ( చిన్న ముక్కలుగా కట్ చేయాలి )
కారం 1 టీస్పూన్
గరం మసాలా పొడి 1/2 టీస్పూన్
జీలకర్ర 2 టీస్పూన్
ఉప్పు తగినంత
టమాట 2 (చిన్న చిన్న ముక్కలుగా కట్ చేయాలి )
కొత్తిమీర ఆకులు 2 టేబుల్ స్పూన్
నూనె 4 టేబుల్ స్పూన్

తయారి విధానం
ఒక గిన్నెలో కోడిగుడ్లు పగలకొట్టి, ఉప్పు, కారం, గరం మసాలా వేసి బాగా గిలకొట్టాలి.దానిలో ఉల్లిపాయలు, టమాటాలు, పచ్చి మిరపకాయలు, కొత్తిమీరను చిన్న చిన్న ముక్కలుగా కట్ చేసుకోవాలి. ఒక రెండు టేబుల్ స్పూన్ల నూనె తీసుకొని వేడిచేసి, ఆవాలు వేసి పోపు పెట్టి, ఉల్లిపాయలు, పచ్చి మిరపకాయలు, టమాటాలు, కొత్తిమీర వేసి బాగా వేయించాలి.అన్ని ముక్కలు బాగా వేగిన తరువాత, మంటమీద నుంచి దింపి కోడిగుడ్డు మిశ్రమాన్ని వేసి బాగా కలిపి పక్కన పెట్టుకోవాలి.దోశల పెనంలో కొద్దిగా నూనె వేసుకొని వేడిచేసి, గరిటె సహాయంతో గుడ్డు మిశ్రమాన్ని వేయాలి.కొంచం ఎర్రగా కాలిన తరువాత, అట్టుని రెండవ వైపుకి తిప్పుకొని ఒకటి రెండు నిముషాలు అలాగే ఉంచాలి.అట్టు బాగా కాలిన తరువాత, వేడివేడిగా వడ్డించండి.