బృందావనం సినిమా గురించి ఈ విషయాలు మీకు తెలుసా ?

యంగ్ టైగర్ ఎన్టీఆర్ సినీ కెరీర్ లో బృందావనం మూవీకి ఓ ప్రత్యేక స్థానం ఉంది. ఎందుకంటే అప్పటి వరకు ఊర మాస్ హీరోగా రాణించిన తారక్ కెరీర్ ని ఫామిలీ స్టోరీ వైపు అనూహ్యంగా మలుపు తిప్పిని సినిమా ఇది. అందుకే ఈ మూవీతో క్లాస్‌లో కూడా తన ఫ్యాన్ ఫాలోయింగ్ పెంచుకున్నాడు. 2010లో సింహా తర్వాత అతిపెద్ద హిట్‌గా ఈ మూవీ నిలిచింది. తొలిసారి ఎన్టీఆర్, కాజల్, సమంతతో జోడీ కట్టిన ఈ మూవీ ఎన్టీఆర్‌కు ఫ్యామిలీస్‌లో మంచి ఇమేజ్ తెచ్చింది . ఇక హీరోయిన్‌గా సమంతకు ఇది రెండో చిత్రం కావడం విశేషం.

సినిమాకు తగ్గట్టుగానే ఎన్టీఆర్ కాసేపు శ్రీకృష్ణుడిగా పించం, పిల్లనగ్రోవితో కాసేపు కనిపించి అభిమానులను అలరించాడు. సూపర్ హిట్ చిత్రాల నిర్మాత దిల్ రాజు నిర్మించిన ఈ సినిమాకు దర్శకుడు గా వంశీ పైడిపల్లి వ్యవహరించాడు. ఇక మ్యూజిక్ డైరెక్టర్ తమన్ కాంబినేషన్‌లో ఎన్టీఆర్‌కు మొదటి మూవీ ఇది. తమన్ అందించిన బాణీలు సూపర్ హిట్. ఇక ఈ చిత్రానికి కొరటాల శివ మాటలు అందించాడు. ఒక్కమాటలో చెప్పాలంటే ఎన్టీఆర్ కెరీర్‌లో డిఫరెంట్ మూవీగా నిలిచిపోయింది.

‘బృందావనం’ మూవీ పలు కేంద్రాల్లో 100 రోజులకు పైగా నడిచింది. ‘బృందావనం’ తర్వాత ఎన్టీఆర్‌ , కాజల్‌తో కలిసి ‘బాద్‌షా’, టెంపర్’ మూవీస్ చేసాడు. జనతా గ్యారేజ్‌లో కాజల్ పక్కా లోకల్ అనే ఐటెం సాంగ్‌లో మెరిసింది. సమంత కూడా ఈ చిత్రం తర్వాత ‘రామయ్య వస్తావయ్యా, ‘రభస’, జనతా గ్యారేజ్ చిత్రాల్లో నటించింది. బృందావనం రిలీజ్ అయ్యి , 10 యేళ్లు పూర్తి చేసుకుంది. తెలుగులోనే కాదు ‘బృందావనం’ సినిమా కన్నడ, ఒరియా, బెంగాలీ, భోజ్‌పురి, మరాఠీ, వంటి పలు భాషల్లో రీమేక్ చేయగా అక్కడా సూపర్ హిట్ అయింది.

error: Content is protected !!