Face Glow Tips:మీ స్కిన్ తెల్లగా కాంతివంతంగా మారాలంటే ఈ పేస్ పాక్స్ ఫాలో అవ్వండి..
Milk Face Packs:పాలతో తయారు చేసే ఫేస్ ప్యాక్‌లు చర్మాన్ని కాంతివంతంగా, మృదువుగా మరియు మచ్చలు లేకుండా చేయడంలో సహాయపడతాయి. పచ్చి పాలలో లాక్టిక్ యాసిడ్, కాల్షియం, విటమిన్స్ బి12, బి6, ఎ, డి2 మరియు ప్రోటీన్ వంటి పోషకాలు సమృద్దిగా ఉండుట వలన చర్మ కణాలను పునరుత్పత్తి చేయడం, తేమ ఉండేలా చేయటం మరియు చర్మాన్ని శుభ్రపరచడంలో సహాయపడతాయి. ఇప్పుడు పాలతో కొన్ని పేస్ పాక్స్ తెలుసుకుందాం.
1.పాలు.పసుపు face pack
ఒక బౌల్లో రెండు స్పూన్ల పచ్చిపాలు, అర టీ స్పూన్ పసుపు వేసి బాగా కలపాలి. ఈ మిశ్రమాన్ని ముఖము మరియు మెడపై రాసి పావుగంట అలా వదిలేయాలి. ఆ తర్వాత చల్లని నీటితో శుభ్రం చేసుకోవాలి. ఈ విధంగా వారంలో రెండు సార్లు చేస్తూ ఉంటే ముఖం మీద నల్లని మచ్చలు తొలగిపోతాయి. పసుపులో ఉండే యాంటీ ఇన్ఫ్లమేటరీ గుణాలు మచ్చలను తగ్గించడంలో సహాయపడతాయి. పాలల్లో ఉన్న పోషకాలు చర్మాన్ని తేమగా ఉండేలా చేస్తాయి.
2. పాలు,తేనే Face Pack
ఒక బౌల్లో రెండు టీ స్పూన్ల పచ్చిపాలు, ఒక స్పూన్ తేనె వేసి బాగా కలపాలి. ఈ మిశ్రమాన్ని ముఖము మరియు మెడ పై రాసి 15 నిమిషాల తర్వాత చల్లని నీటితో శుభ్రం చేసుకోవాలి. ఈ విధంగా వారంలో రెండు సార్లు చేస్తూ ఉంటే ముఖం తెల్లగా మారుతుంది. తేనే చర్మాన్ని హైడ్రేట్ చేస్తే పాలు సహజసిద్ధమైన బ్లీచ్ గా పని చేస్తుంది.
3. పాలు,శనగపిండి Face Pack
ఒక బౌల్లో రెండు టీ స్పూన్ల శనగపిండి, రెండూ లేదా మూడు స్పూన్ల పచ్చిపాలు వేసి బాగా కలపాలి. ఈ పేస్టుని ముఖంపై రాసి 20 నిమిషాలు అయ్యాక చల్లని నీటిని జల్లుతూ స్క్రబ్ చేస్తూ శుభ్రం చేసుకోవాలి. శనగపిండి చర్మం మీద ఉన్న అదనపు నూనెను తొలగిస్తుంది. పాలు చర్మాన్ని కాంతివంతంగా చేస్తాయి.
4.పాలు,అవకాడో Face Pack
బాగా పండిన ఆవకాడో తీసుకుని మెత్తని పేస్ట్ గా చేయాలి. ఒక బౌల్ లో ఒక స్పూన్ అవకాడో పేస్ట్, ఒక స్పూన్ పాలు వేసి బాగా కలపాలి. ఈ పేస్ట్ ని ముఖానికి పట్టించి 20 నిమిషాలు అయ్యాక చల్లని నీటితో శుభ్రం చేసుకోవాలి. ఆవకాడో చర్మానికి అవసరమైన పోషణను అందిస్తుంది.
5. పాలు,ఓట్స్ Face Pack
ఒక బౌల్లో ఒక టీ స్పూన్ ఓట్స్ పొడి, రెండు టీ స్పూన్ల పచ్చిపాలు వేసి బాగా కలపాలి. ఈ మిశ్రమాన్ని ముఖం మీద రాసి వృత్తాకారంలో సున్నితంగా ఐదు నిమిషాల పాటు మసాజ్ చేయాలి. పది నిమిషాలు అయ్యాక ముఖాన్ని శుభ్రంగా చల్లని నీటితో కడిగితే సరిపోతుంది. ఓట్ మిల్ మృత చర్మ కణాలను తొలగిస్తుంది. పాలు చర్మాన్ని తేమగా మృదువుగా చేస్తుంది.
అయితే ఈ ఫేస్ ప్యాక్ వేసుకునే ముందు కొన్ని జాగ్రత్తలు పాటించాలి. ఈ ఫేస్ ప్యాక్ లను వారంలో రెండుసార్లు మాత్రమే వేసుకోవాలి. అలాగే ఫేస్ ప్యాక్ ముఖానికి అప్లై చేయడానికి ముందు చేతి పై పరీక్షించాలి. ఏమైనా ఎలర్జీ వస్తే ఆ ఫేస్ ప్యాక్ ను వేయటం మానేయాలి. అలాగే ఫేస్ ప్యాక్ తొలగించిన తర్వాత మాయిశ్చరైజర్ రాయాలి.
ఇప్పుడు చెప్పిన అన్ని రకాల ఫేస్ ప్యాక్స్ చాలా సమర్థవంతంగా పనిచేస్తాయి. మీకు లభ్యమైన వస్తువులను బట్టి ఏ ఫేస్ ప్యాక్ వేసుకున్న నల్లని మచ్చలు. మొటిమలు, ఫిగ్మెంటేషన్ అన్ని తొలగిపోతాయి.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ