New Ration Card:ఏపీలో రేషన్ కార్డుల కోసం దరఖాస్తు చేసుకున్నారా.. ఒక్క క్లిక్తో స్టేటస్ చెక్ చేస్కోండిలా
New Ration Card:ఏపీలో రేషన్ కార్డుల కోసం దరఖాస్తు చేసుకున్నారా.. ఒక్క క్లిక్తో స్టేటస్ చెక్ చేస్కోండిలా..ఆంధ్రప్రదేశ్ ప్రభుత్వం కొత్త రేషన్ కార్డుల కోసం దరఖాస్తులు స్వీకరిస్తోంది. గ్రామ, వార్డు సచివాలయాల్లో ఈ ప్రక్రియ కొనసాగుతోంది. దరఖాస్తుల పురోగతిని ఆన్లైన్లో ‘https://vswsonline.ap.gov.in/‘ వెబ్సైట్లో తెలుసుకోవచ్చు.
ఈ సైట్లో లాగిన్ అయి, ‘సర్వీస్ రిక్వెస్ట్ స్టేటస్ చెక్’ ఆప్షన్లో దరఖాస్తు సమయంలో ఇచ్చిన సంఖ్యను నమోదు చేస్తే, రేషన్ కార్డు ప్రక్రియ ఏ దశలో ఉంది, ఎన్ని రోజుల్లో పూర్తవుతుంది వంటి వివరాలు తెలుస్తాయి. ఈకేవైసీ, వీఆర్వో, తహసీల్దార్ పరిశీలనలతో సహా ఈ ప్రక్రియ 21 రోజుల్లో పూర్తవుతుంది.
మంత్రి నాదెండ్ల మనోహర్ మాట్లాడుతూ, కొత్త రేషన్ కార్డులను స్మార్ట్ కార్డుల రూపంలో ఉచితంగా అందజేస్తామని తెలిపారు. ప్రస్తుత రేషన్ కార్డు హోల్డర్లు కూడా స్మార్ట్ కార్డులు పొందవచ్చని, అందరూ ఈకేవైసీ చేయించుకోవాలని సూచించారు.
అయితే, ఒక సంవత్సరం లోపు పిల్లలు, 80 ఏళ్లు పైబడిన వృద్ధులకు ఈకేవైసీ నుంచి మినహాయింపు ఉంటుంది. ఆంధ్రప్రదేశ్ 95% ఈకేవైసీ పూర్తి చేసి దేశంలో మొదటి స్థానంలో ఉందని ఆయన చెప్పారు. ఇప్పటివరకు 72,500 మంది స్మార్ట్ కార్డులు పొందారు.
మే 15 నుంచి వాట్సాప్ గవర్నెన్స్ (95523 00009) ద్వారా రేషన్ కార్డు సేవలు అందుబాటులోకి వచ్చాయి. రైస్ కార్డు జారీ, విభజన, చిరునామా మార్పు, కుటుంబ సభ్యుల చేర్పు, తొలగింపు, కార్డు సరెండర్ వంటి సేవలు ఇందులో లభిస్తాయి. పెళ్లైన వారు కొత్త కార్డు కోసం పాత కార్డు నుంచి విడిపోయేటప్పుడు మ్యారేజ్ సర్టిఫికెట్ అవసరం లేదని మంత్రి స్పష్టం చేశారు.
50 ఏళ్లు దాటి పెళ్లి కాకుండా ఒంటరిగా ఉన్నవారు, లింగమార్పిడి చేయించుకున్నవారికి కూడా రేషన్ కార్డులు జారీ చేస్తున్నామని మంత్రి తెలిపారు. పాత రేషన్ కార్డును సచివాలయాల్లో అప్గ్రేడ్ చేసుకోవచ్చని, రాష్ట్రవ్యాప్తంగా అన్ని కొత్త కార్డులు స్మార్ట్ కార్డులుగా ఉచితంగా అందజేస్తామని ఆయన పేర్కొన్నారు.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ