Aadhaar Update : ఆధార్ ఫ్రీ అప్‌డేట్.. ఈ తేదీలోగా అప్ డేట్ చేయాలి..

Aadhaar Update : ఆధార్ ఫ్రీ అప్‌డేట్.. ఈ తేదీలోగా అప్ డేట్ చేయాలి..భారతీయ పౌరులు జూన్ 14, 2025 వరకు తమ ఆధార్ కార్డు వివరాలను ఆన్‌లైన్‌లో ఉచితంగా అప్‌డేట్ చేసుకోవచ్చు. భారత విశిష్ట గుర్తింపు ప్రాధికార సంస్థ (UIDAI) ఆధార్ అప్‌డేట్ గడువును డిసెంబర్ 14, 2024 నుంచి జూన్ 14, 2025 వరకు పొడిగించింది.

ఆధార్ కార్డుదారులు myAadhaar పోర్టల్‌ (https://myaadhaar.uidai.gov.in) ద్వారా గుర్తింపు పత్రం (PoI), చిరునామా పత్రం (PoA) వంటి వ్యక్తిగత వివరాలను అప్‌డేట్ చేసుకోవడానికి అదనంగా 6 నెలల సమయం లభించింది. జూన్ 15, 2025 నుంచి ఆఫ్‌లైన్ ఆధార్ సెంటర్లలో అప్‌డేట్‌కు రూ. 50 రుసుము చెల్లించాలి, ఇది ప్రస్తుత ఆఫ్‌లైన్ రుసుముతో సమానం.

10 ఏళ్ల క్రితం ఆధార్ తీసుకుని, ఇప్పటివరకు అప్‌డేట్ చేయని వారు ఈ ఉచిత సౌకర్యాన్ని వినియోగించుకోవచ్చు. ఆధార్ అప్‌డేట్ చేయకపోతే, పాత డేటా కారణంగా ప్రభుత్వ పథకాల ప్రయోజనాలు లేదా ఆర్థిక లావాదేవీలు పూర్తి చేయడం సాధ్యం కాకపోవచ్చు.

ఆధార్ అడ్రస్ ఆన్‌లైన్‌లో ఎలా అప్‌డేట్ చేయాలి?

మీ ఆధార్ డేటాను గుర్తింపు పత్రం (PoI), చిరునామా పత్రం (PoA) సులభంగా అప్‌డేట్ చేయవచ్చు:

1. myAadhaar పోర్టల్‌ (https://myaadhaar.uidai.gov.in) సందర్శించండి.
2. మీ 12-అంకెల ఆధార్ నంబర్‌ను నమోదు చేయండి.
3. రిజిస్టర్డ్ మొబైల్ నంబర్‌కు వచ్చే OTPని ఎంటర్ చేసి లాగిన్ అవ్వండి.
4. అవసరమైన డాక్యుమెంట్లను స్కాన్ చేసి అప్‌లోడ్ చేయండి.
5. మీ అప్‌డేట్ రిక్వెస్ట్‌ను సబ్మిట్ చేయండి.
6. 14-అంకెల అప్‌డేట్ రిక్వెస్ట్ నంబర్ (URN) సేవ్ చేసుకోండి.
7. URN ఉపయోగించి మీ అప్‌డేట్ స్టేటస్‌ను ట్రాక్ చేయవచ్చు.

ఆధార్ సెల్ఫ్-సర్వీస్ అప్‌డేట్ పోర్టల్‌ ద్వారా చిరునామా అప్‌డేట్:

1. myAadhaar పోర్టల్‌ ఓపెన్ చేయండి.
2. ‘అడ్రస్ అప్‌డేట్’ ఎంపికపై క్లిక్ చేయండి.
3. కొత్త చిరునామాను నమోదు చేయండి.
4. చిరునామా పత్రాన్ని అప్‌లోడ్ చేయండి.
5. URN నంబర్‌ను సమర్పించి సేవ్ చేయండి.
6. ట్రాకింగ్ కోసం URN నంబర్‌ను నోట్ చేసుకోండి.
7. అప్రూవల్ తర్వాత అప్‌డేట్ చేసిన ఆధార్ కార్డును డౌన్‌లోడ్ చేయండి.