Tirumala: హైదరాబాద్ టూ తిరుమల ఫ్లైట్ జర్నీ.. ఒక్క రోజులో శ్రీవారి దర్శనం..
Tirumala: హైదరాబాద్ టూ తిరుమల ఫ్లైట్ జర్నీ.. ఒక్క రోజులో శ్రీవారి దర్శనం.. తిరుమల వెంకటేశ్వర స్వామిని దర్శించుకోవాలని ప్రతి భక్తుడూ కోరుకుంటాడు. అయితే, ఒక్క రోజులో దర్శనం చేసుకుని తిరిగి రావడం సవాలుగా ఉంటుంది. అలాంటి భక్తుల కోసం తెలంగాణ టూరిజం ఒక ప్రత్యేక టూర్ ప్యాకేజీని ప్రవేశపెట్టింది.
తెలంగాణలోని తిరుమల శ్రీవారి భక్తులకు రాష్ట్ర ప్రభుత్వం శుభవార్త అందించింది. టూరిజం శాఖ ఆధ్వర్యంలో ఒక్క రోజులో తిరుమలకు వెళ్లి, స్వామివారిని దర్శించుకుని, అదే రోజు తిరిగి వచ్చే ప్రత్యేక టూర్ ప్యాకేజీని అందుబాటులోకి తీసుకొచ్చింది. సాధారణంగా రెండు రోజులు పట్టే ఈ యాత్రను ఒకే రోజులో పూర్తి చేసేలా ఈ ప్యాకేజీ రూపొందించబడింది.
ఈ ప్యాకేజీ ప్రకారం, ఉదయం 6:55 గంటలకు హైదరాబాద్ విమానాశ్రయం నుంచి ప్రయాణం ప్రారంభమవుతుంది. ప్రయాణికులు విమానంలో రేణిగుంట చేరుకుని, అక్కడి నుంచి కారు ద్వారా తిరుపతిలోని హోటల్కు చేరతారు. హోటల్లో ఫ్రెషప్ అయిన తర్వాత, తిరుమలకు బయలుదేరి మధ్యాహ్నం 1 గంటలోపు శ్రీవారి దర్శనం పూర్తి చేస్తారు. ఆ తర్వాత తిరుపతిలోని హోటల్కు తిరిగి వచ్చి విశ్రాంతి తీసుకునే అవకాశం ఉంటుంది.
దర్శనం తర్వాత, ప్రయాణికులు తిరుచానూర్కు వెళ్లి శ్రీ పద్మావతి అమ్మవారిని దర్శించుకోవచ్చు. ఈ కార్యక్రమం ముగిసిన తర్వాత, రేణిగుంట విమానాశ్రయానికి తిరిగి చేరుకుని, సాయంత్రం 6:35 గంటలకు హైదరాబాద్కు రిటర్న్ ఫ్లైట్ ఎక్కుతారు. రాత్రి 7:45 గంటలకు హైదరాబాద్కు చేరుకుంటారు.
ఈ ఒక రోజు టూర్ ధర ఒక్కొక్కరికి రూ.12,499గా నిర్ణయించబడింది. ఇందులో విమాన టికెట్, కారు ప్రయాణం, తిరుమల మరియు తిరుచానూర్లో ప్రత్యేక దర్శన ఏర్పాట్లు, హోటల్లో ఫ్రెషప్ సౌకర్యాలు అన్నీ ఉన్నాయి. భక్తుల సమయాన్ని ఆదా చేయడంతో పాటు సౌకర్యవంతమైన ప్రయాణాన్ని అందించడం ఈ ప్యాకేజీ ప్రత్యేకత.
ఒక రోజు టూర్తో పాటు, రెండు రోజుల టూర్ ప్యాకేజీ కూడా అందుబాటులో ఉంది, దీని ధర రూ.15,499గా నిర్ణయించబడింది. పూర్తి వివరాల కోసం తెలంగాణ టూరిజం వెబ్సైట్ను సందర్శించవచ్చు.
గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ