Vivo Y400 Pro 5G : వివో లవర్స్‌కు పండగే… వివో నుంచి కొత్త మిడ్‌రేంజ్ స్మార్ట్‌ఫోన్..

Vivo Y400 Pro 5G: వివో ఈ రోజు విడుదల చేసిన వివో వై 400 ప్రో 5జీ స్మార్ట్‌ఫోన్, ఈ సెగ్మెంట్‌లో అతి సన్నని 3D కర్వుడ్ డిస్ప్లే ఫోన్‌గా అడుగుపెట్టింది. సూపర్ స్లిమ్ డిజైన్, పవర్‌ఫుల్ బ్యాటరీ, మరియు అద్భుతమైన కెమెరాతో ఈ ఫోన్‌ను వివో అందించింది. ఈ లేటెస్ట్ వివో స్మార్ట్‌ఫోన్ ధర మరియు ఫీచర్ల గురించి తెలుసుకుందాం.

Vivo Y400 Pro 5G: ధర
వివో వై 400 5జీ స్మార్ట్‌ఫోన్ బేసిక్ వేరియంట్ (8GB + 128GB) రూ. 24,999 ధరతో, మరియు హై-ఎండ్ వేరియంట్ (8GB + 256GB) రూ. 26,999 ధరతో లాంచ్ అయింది. ఈ స్మార్ట్‌ఫోన్ అమెజాన్ మరియు వివో అధికారిక వెబ్‌సైట్ ద్వారా కొనుగోలుకు అందుబాటులో ఉంటుంది. ఈ ఫోన్ ప్రీ-ఆర్డర్లు ఈ రోజు నుంచి ప్రారంభమయ్యాయి.

ఆఫర్లు
ఈ స్మార్ట్‌ఫోన్‌పై వివో ఆకర్షణీయమైన బ్యాంక్ డిస్కౌంట్ ఆఫర్‌ను అందిస్తోంది. ICICI బ్యాంక్ క్రెడిట్ కార్డ్‌తో వివో వై 400 5జీ కొనుగోలు చేసే వారికి రూ. 2,500 అదనపు డిస్కౌంట్ లభిస్తుంది.

Vivo Y400 Pro 5G: ఫీచర్లు
వివో వై 400 5జీ స్మార్ట్‌ఫోన్ అతి సన్నని 3D కర్వుడ్ డిస్ప్లేతో లాంచ్ అయింది. కేవలం 7.49mm మందంతో ఈ స్లీక్ డిజైన్ ఫోన్ 6.77-ఇంచ్ 3D కర్వుడ్ స్క్రీన్‌ను కలిగి ఉంది, ఇది 4K HDR వీడియో సపోర్ట్ చేస్తుంది. ఈ ఫోన్ మీడియాటెక్ డైమెన్సిటీ 7300 5G చిప్‌సెట్, 8GB ర్యామ్, మరియు 256GB ఇంటర్నల్ స్టోరేజ్‌తో వస్తుంది.

కెమెరా విషయానికొస్తే, ఈ ఫోన్ 50 MP Sony IMX 882 మెయిన్ సెన్సార్ మరియు 2MP బొకే సెన్సార్‌తో కూడిన డ్యూయల్ రియర్ కెమెరా సెటప్, అలాగే 32MP సెల్ఫీ కెమెరాను కలిగి ఉంది. రియర్ మరియు ఫ్రంట్ కెమెరాలు రెండూ 4K వీడియో రికార్డింగ్‌కు సపోర్ట్ చేస్తాయి. ఈ స్మార్ట్‌ఫోన్ 5500 mAh బ్యాటరీ మరియు 90W ఫాస్ట్ ఛార్జింగ్ సపోర్ట్‌తో వస్తుంది. అదనంగా, డ్యూయల్ స్టీరియో స్పీకర్లను కూడా కలిగి ఉంది.

గమనిక: ధరలు మరియు ఆఫర్‌లు మారవచ్చు, కాబట్టి కొనుగోలు చేసే ముందు తాజా సమాచారాన్ని చెక్ చేయండి.