oily skin: ఈ టిప్స్ ఫాలో అయితే.. జిడ్డు సమస్య దూరం అవుతుంది..!
oily skin: ఈ టిప్స్ ఫాలో అయితే.. జిడ్డు సమస్య దూరం అవుతుంది.. ఇంట్లోనే సహజసిద్ధమైన ఫేసియల్: సీజన్ల ఆధారంగా చర్మ సమస్యలు ఎదురవుతాయి. వర్షాకాలంలో అయితే మరింత ఎక్కువగా.. వర్షాకాలంలో చెమట తక్కువగా వస్తుంది, దీంతో చర్మంపై దుమ్ము, ధూళి, మలినాలు పేరుకుపోతాయి.
ఫలితంగా మొటిమలు, చర్మం జిడ్డుగా మారడం వంటి సమస్యలు తలెత్తుతాయి. మార్కెట్లో దొరికే బ్యూటీ క్రీములు ఉపయోగించినా కొన్నిసార్లు ఫలితం కనిపించదు. అందుకే, ఇంట్లోనే సహజసిద్ధమైన పదార్థాలతో ఫేసియల్ను తయారు చేసుకోండి. ఈ సమస్యలన్నీ తొలగిపోతాయి. ఎలా చేయాలో ఇప్పుడు తెలుసుకుందాం.
స్టెప్ 1: క్లెన్సింగ్
– ఒక చిన్న గిన్నెలో 1 టీస్పూన్ పచ్చి పాలు, 1 టీస్పూన్ రోజ్ వాటర్ కలపండి.
– ఈ మిశ్రమాన్ని దూది కాటన్తో ముఖానికి రాసి, 10 నిమిషాలు సున్నితంగా మసాజ్ చేయండి.
– తర్వాత సాధారణ నీటితో ముఖాన్ని శుభ్రం చేసుకోండి.
– ఫలితం: ముఖంపై ఉన్న దుమ్ము, మృతకణాలు, జిడ్డు తొలగిపోతాయి.
స్టెప్ 2: స్క్రబ్బింగ్
– ఒక చిన్న గిన్నెలో 1 టీస్పూన్ ఓట్స్, 1 టీస్పూన్ తేనె, 1 టీస్పూన్ నిమ్మరసం కలపండి.
– ఈ మిశ్రమాన్ని ముఖానికి అప్లై చేసి, 10-15 నిమిషాల తర్వాత గోరువెచ్చని నీటితో కడిగేయండి.
– ఫలితం: చర్మంపై జిడ్డు తొలగిపోవడంతో పాటు, మొటిమలు, మచ్చలు తగ్గి, చర్మం కాంతివంతంగా మెరుస్తుంది.
స్టెప్ 3: స్టీమింగ్
– ఒక గిన్నెలో వేడి నీటిలో తులసి ఆకులు వేసి, 10-15 నిమిషాలు ఆవిరి పట్టండి.
– ఫలితం: చెమట రూపంలో మృతకణాలు, మలినాలు తొలగిపోతాయి. చర్మం తాజాగా, శుభ్రంగా కనిపిస్తుంది.
స్టెప్ 4: ఫేస్ మాస్క్
– 1 టీస్పూన్ ముల్తానీ మిట్టి, 1 టీస్పూన్ రోజ్ వాటర్, 1 టీస్పూన్ నిమ్మరసం కలిపి ముఖానికి రాయండి.
– 10-15 నిమిషాల తర్వాత గోరువెచ్చని నీటితో కడిగేయండి.
– ఫలితం: చర్మం యవ్వనంగా, తాజాగా కనిపిస్తుంది.
అదనపు సహజసిద్ధమైన ఫేస్ ప్యాక్లు
1. ఓట్మీల్ & అవకాడో ఫేస్ ప్యాక్
– పదార్థాలు: 2 టేబుల్ స్పూన్ల ఓట్మీల్, మెత్తగా చేసిన అవకాడో.
– తయారీ: అవకాడోను మెత్తగా చేసి, ఓట్మీల్ కలపండి. ఈ మిశ్రమాన్ని ముఖానికి రాసి, 10-15 నిమిషాల తర్వాత గోరువెచ్చని నీటితో కడిగేయండి.
– ఫలితం: ఓట్మీల్ చర్మాన్ని ఎక్స్ఫోలియేట్ చేస్తుంది, అవకాడో చర్మాన్ని హైడ్రేట్ చేస్తూ జిడ్డును తగ్గిస్తుంది. వారానికి ఒకసారి చేస్తే చర్మం మృదువుగా, సమతుల్యంగా ఉంటుంది.
2. గుడ్డు తెల్లసొన & కలబంద ఫేస్ ప్యాక్
– పదార్థాలు: 1 గుడ్డు తెల్లసొన, 1 టేబుల్ స్పూన్ కలబంద గుజ్జు.
– తయారీ: గుడ్డు తెల్లసొనలో కలబంద గుజ్జు కలిపి ముఖానికి రాయండి. అరగంట తర్వాత ఫేస్ వాష్తో కడిగేయండి.
– ఫలితం: గుడ్డు తెల్లసొన చర్మాన్ని బిగుతుగా చేస్తుంది, కలబంద హైడ్రేషన్ను అందిస్తూ జిడ్డును తగ్గిస్తుంది. వారానికి ఒకసారి చేయడం వల్ల చర్మం మృదువుగా, జిడ్డు లేకుండా ఉంటుంది.
ఈ సహజసిద్ధమైన ఫేసియల్లను రెగ్యులర్గా చేయడం ద్వారా చర్మ సమస్యలను సులభంగా నివారించవచ్చు. వర్షాకాలంలో మీ చర్మాన్ని తాజాగా, కాంతివంతంగా ఉంచుకోండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ