Cracked Heel Remedy: ఈ చిట్కాలను ఫాలో అయితే మడమల పగుళ్ళు మాయం..
Cracked Heel Remedy: ఈ చిట్కాలను ఫాలో అయితే మడమల పగుళ్ళు మాయం.. వర్షాకాలంలో తేమ, నీటి నిల్వలు పెరగడం వల్ల బ్యాక్టీరియా, వైరస్లు, సూక్ష్మక్రిములు వృద్ధి చెందడానికి అనుకూల వాతావరణం ఏర్పడుతుంది. దీనివల్ల అంటువ్యాధులు, ఆరోగ్య సమస్యలు తలెత్తే అవకాశం ఉంది. ముఖ్యంగా చర్మం, ప్రత్యేకించి మడమలు ఈ కాలంలో ఎక్కువగా ప్రభావితమవుతాయి. పగిలిన మడమలు నొప్పిని కలిగించడమే కాక, నడవడంలో కూడా ఇబ్బంది కలిగిస్తాయి.
మీరు కూడా ఈ సమస్యతో బాధపడుతున్నారా? అయితే, చింతించాల్సిన అవసరం లేదు. వర్షాకాలంలో మడమల సమస్యను తగ్గించేందుకు సులభమైన, ప్రభావవంతమైన ఇంటి చిట్కాలు ఉన్నాయి. ఈ చిట్కాలు పాటిస్తే నొప్పి, పగుళ్లు తగ్గుతాయని ఆయుర్వేద నిపుణులు సూచిస్తున్నారు. ఆ చిట్కాలు ఏమిటో చూద్దాం:
1. గోరువెచ్చని నీటితో చికిత్స
ఒక బకెట్లో గోరువెచ్చని నీటిని తీసుకుని, అందులో కొద్దిగా ఉప్పు, కొన్ని చుక్కల నిమ్మరసం కలపండి. ఈ నీటిలో మీ పాదాలను 15-20 నిమిషాల పాటు ఉంచండి. ఇలా చేయడం వల్ల మడమల నొప్పి, పగుళ్లు క్రమంగా తగ్గుతాయని ఆయుర్వేద నిపుణులు చెబుతున్నారు.
2. కలబంద జెల్
పగిలిన మడమలకు కలబంద జెల్ అద్భుతంగా పనిచేస్తుంది. రాత్రి పడుకునే ముందు మడమలపై కలబంద జెల్ను రాసి, అలాగే ఉంచండి. కలబందలో సహజ మాయిశ్చరైజింగ్, వైద్యం చేసే గుణాలు ఉంటాయి, ఇవి మడమల పగుళ్లను త్వరగా తగ్గిస్తాయి.
3. తేనె
తేనె ఆరోగ్యానికి ఎంతో మేలు చేస్తుంది. వర్షాకాలంలో పగిలిన మడమలకు కూడా ఇది గొప్పగా పనిచేస్తుంది. గోరువెచ్చని నీటిలో కొద్దిగా తేనె కలిపి, ఆ నీటిలో పాదాలను కొంతసేపు ఉంచండి. ఇలా చేయడం వల్ల పగిలిన మడమలు త్వరగా నయమవుతాయని నిపుణులు సూచిస్తున్నారు.
4. అరటిపండు
అరటిపండును మెత్తగా చేసి, మడమలపై పూస్తే పగిలిన మడమలు మృదువుగా మారతాయి. ఈ చిట్కా నొప్పిని తగ్గించి, చర్మాన్ని మృదువుగా చేస్తుంది.
5. కొబ్బరి నూనె, పసుపు మిశ్రమం
కొబ్బరి నూనె, పసుపు కలిపిన మిశ్రమం పగిలిన మడమలకు అద్భుతమైన చిట్కా. కొబ్బరి నూనె చర్మాన్ని తేమగా ఉంచుతుంది, పసుపులోని యాంటీ-ఇన్ఫ్లమేటరీ గుణాలు పగుళ్లను నయం చేయడంలో సహాయపడతాయి.
గమనిక: ఈ సమాచారం ఇంటర్నెట్లో సేకరించిన వివరాల ఆధారంగా అందించబడింది. ఈ చిట్కాలు కేవలం అవగాహన కోసం మాత్రమే. ఈ చిట్కాలు అనుసరించడం వల్ల ఏర్పడే ఫలితాలకు chaipakodi ఎటువంటి బాధ్యత వహించదు.