Andhra Pradesh Thalliki Vandanam:ఏపీ ప్రభుత్వం విద్యార్థులకు మిగిలిన డబ్బులను 20 రోజుల్లో జమ చేస్తామని క్లారిటీ..
Andhra Pradesh Thalliki Vandanam:ఏపీ ప్రభుత్వం విద్యార్థులకు మిగిలిన డబ్బులను 20 రోజుల్లో జమ చేస్తామని క్లారిటీ.. ఆంధ్రప్రదేశ్ ప్రభుత్వం తల్లికి వందనం పథకం కింద విద్యార్థుల తల్లులకు రూ. 15,000 చొప్పున నగదు సహాయం అందిస్తోంది. ఈ మొత్తంలో రూ. 13,000 తల్లుల బ్యాంకు ఖాతాల్లో జమ చేస్తుండగా, మిగిలిన రూ. 2,000 పాఠశాలల నిర్వహణ గ్రాంట్ కోసం కలెక్టర్ల ఆధ్వర్యంలోని ఖాతాల్లో జమ చేయబడుతుంది.
అయితే, కొందరు తల్లుల ఖాతాల్లో రూ. 10,000 కంటే తక్కువ మొత్తం జమ అయినట్లు వచ్చిన వార్తలపై ఏపీ ప్రభుత్వం స్పందించింది. ఈ సందర్భంగా ప్రభుత్వ ఫ్యాక్ట్ చెక్ ఎక్స్ ఖాతాలో పోస్ట్ ద్వారా స్పష్టతనిచ్చింది.
రూ. 15,000కు బదులు రూ. 8,850 మాత్రమే జమ అయిందనే వార్తలపై లబ్ధిదారులు ఆందోళన చెందాల్సిన అవసరం లేదని ప్రభుత్వం తెలిపింది. రాష్ట్రంలో 9, 10 తరగతులు, ఇంటర్ ఫస్ట్ ఇయర్, సెకండ్ ఇయర్ చదువుతున్న 3.93 లక్షల ఎస్సీ విద్యార్థులకు సంబంధించి ఈ పథకంలో కేంద్ర ప్రభుత్వం కొంత వాటాను భరిస్తుందని పేర్కొంది.
ఈ కేంద్ర వాటా మొత్తం మరో 20 రోజుల్లో విద్యార్థులు/తల్లిదండ్రుల ఆధార్ లింక్ చేసిన బ్యాంకు ఖాతాల్లో జమ అవుతుందని వెల్లడించింది. అప్పటివరకు ఆర్థిక ఇబ్బందులు తలెత్తకుండా ఉండేందుకు రాష్ట్ర ప్రభుత్వం తన వాటాగా రూ. 382.66 కోట్లను లబ్ధిదారుల ఖాతాల్లో జమ చేసినట్లు తెలిపింది.
9, 10 తరగతులు, ఇంటర్ ఫస్ట్ ఇయర్, సెకండ్ ఇయర్ చదువుతున్న ఎస్సీ విద్యార్థుల ఖాతాల్లో రూ. 5,200 నుంచి రూ. 10,972 వరకు జమ చేయబడినట్లు ప్రభుత్వం వెల్లడించింది. మిగిలిన మొత్తాన్ని కేంద్ర ప్రభుత్వం రాబోయే 20 రోజుల్లో ఆధార్ లింక్ చేసిన బ్యాంకు ఖాతాల్లో నేరుగా జమ చేస్తుందని పేర్కొంది. ఇటువంటి వార్తలపై ఆందోళన చెందాల్సిన అవసరం లేదని స్పష్టం చేసింది.
తల్లికి వందనం పథకం కింద 1 నుంచి 12వ తరగతి విద్యార్థుల తల్లుల బ్యాంకు ఖాతాల్లో నగదు జమ చేయబడుతుంది. ఒక్కో విద్యార్థికి రూ. 13,000 చొప్పున జమ చేస్తారు. ఇద్దరు పిల్లలు ఉన్న తల్లులకు రూ. 26,000, ముగ్గురు పిల్లలు ఉన్న తల్లులకు రూ. 39,000 జమ చేయబడుతుంది. అదనంగా, తల్లికి వందనం పథకం స్టేటస్ను ఆన్లైన్లో తనిఖీ చేసుకునే సౌలభ్యాన్ని కూడా ప్రభుత్వం కల్పిస్తోంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ