Face Glow Tips: ఎప్పుడూ యవ్వనంగా కనిపించాలా.. ఈ వంటింటి చిట్కాలు ఫాలో అవ్వండి..
Face Glow Tips: ఎప్పుడూ యవ్వనంగా కనిపించాలా.. ఈ వంటింటి చిట్కాలు ఫాలో అవ్వండి.. ఎవరు అందంగా కనిపించాలని కోరుకోరు? ప్రతి ఒక్కరూ ఆకర్షణీయంగా, అందంగా కనిపించాలని ఆశిస్తారు. ఈ కోరిక కోసం చాలా మంది మార్కెట్లో రకరకాల క్రీములు కొని వాడుతుంటారు. కానీ, క్రీములు లేకుండా, ఇంట్లోనే సులభంగా దొరికే పదార్థాలతో మీ అందాన్ని రెట్టింపు చేసుకోవచ్చు. అది ఎలాగో ఇప్పుడు తెలుసుకుందాం.
ఈ రోజుల్లో బ్యూటీ పార్లర్లు సర్వసాధారణమైనప్పటికీ, గతంలో మన పెద్దలు పార్లర్లకు వెళ్లకుండా, క్రీములు ఉపయోగించకుండా, కేవలం ఇంట్లో దొరికే సహజసిద్ధమైన పదార్థాలతోనే తమ అందాన్ని పెంచుకునేవారు. వారు ఉపయోగించిన ఆ పదార్థాలు ఏమిటో, వాటిని ఎలా వాడాలో ఇప్పుడు చూద్దాం.
పసుపు మాస్క్: మొటిమలు, మచ్చలు లేదా పిగ్మెంటేషన్ సమస్యలతో బాధపడేవారు పసుపును ఉపయోగించి వాటిని నియంత్రించవచ్చు. చిటికెడు పసుపు, ఒక స్పూన్ పెరుగు, శనగపిండి, టమాటో రసం కలిపి మెత్తని పేస్ట్ తయారు చేయండి. ఈ పేస్ట్ను వారానికి రెండు సార్లు ముఖానికి రాసి, కొంత సేపటి తర్వాత కడిగేయండి. ఇలా చేయడం వల్ల మీ చర్మం నిగనిగలాడుతూ అందంగా మారుతుంది.
తేనె మాస్క్: తేనె చర్మ సౌందర్యాన్ని పెంచడంలో అద్భుతంగా పనిచేస్తుంది. ఇది చర్మాన్ని లోపలి నుంచి తేమగా ఉంచుతుంది మరియు యాంటీ-బాక్టీరియల్ గుణాలను కలిగి ఉంటుంది. ఒక స్పూన్ బియ్యం పిండిలో ఒక స్పూన్ తేనె కలిపి, ఈ మిశ్రమాన్ని వారంలో మూడు సార్లు ముఖానికి రాయండి. ఇది ట్యాన్ను తొలగించి, ముఖాన్ని మరింత అందంగా మారుస్తుంది.
పచ్చి పాలు: పచ్చి పాలు చర్మానికి సహజసిద్ధమైన ఫేస్ వాష్లా పనిచేస్తాయి. ముఖానికి పచ్చి పాలను రాయడం వల్ల టానింగ్ తగ్గుతుంది మరియు చర్మం మృదువుగా, ఆకర్షణీయంగా మారుతుంది. రోజూ ఈ విధానాన్ని అనుసరించడం మంచి ఫలితాలనిస్తుంది.
ముల్తానీ మట్టి: ముల్తానీ మట్టిని రోజ్ వాటర్లో కలిపి పేస్ట్లా తయారు చేసి, వారానికి మూడు సార్లు ముఖానికి రాయండి. ఇది చర్మానికి సహజమైన మెరుపును ఇస్తుంది, మొటిమలను తగ్గిస్తుంది మరియు టాన్ను నియంత్రిస్తూ చర్మాన్ని కాపాడుతుంది.
ఈ సహజసిద్ధమైన బ్యూటీ టిప్స్తో, ఇంట్లోనే సులభంగా మీ అందాన్ని రెట్టింపు చేసుకోవచ్చు!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ