Credit card: క్రెడిట్ కార్డుతో యూపీఐ( UPI ) పేమెంట్స్ చేస్తున్నారా.. ఈ విషయాలు తెలుసుకోండి..

Credit card: క్రెడిట్ కార్డుతో యూపీఐ( UPI ) పేమెంట్స్ చేస్తున్నారా.. ఈ విషయాలు తెలుసుకోండి.. రూపే క్రెడిట్ కార్డుల ద్వారా యూపీఐ పేమెంట్ సౌకర్యాన్ని అందించింది, దీని ద్వారా మీ క్రెడిట్ కార్డును ఫోన్‌పే, గూగుల్ పే, పేటీఎం వంటి యూపీఐ యాప్‌లకు లింక్ చేసి పేమెంట్లు చేయవచ్చు.

ఈ సేవ ద్వారా యూపీఐ ఐడీ లేదా మర్చంట్ క్యూఆర్ కోడ్‌ని ఉపయోగించి రిటైల్ షాపులు, ఫార్మసీలు, రెస్టారెంట్లు, పెట్రోల్ స్టేషన్లు, ఆన్‌లైన్ వ్యాపార వేదికలలో పేమెంట్లు చేస్తూ రివార్డ్ పాయింట్లు, క్యాష్‌బ్యాక్‌ వంటి ప్రయోజనాలను పొందవచ్చు.

క్రెడిట్ కార్డు ద్వారా యూపీఐ పేమెంట్ల సౌకర్యం
నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఈ సౌకర్యాన్ని ప్రవేశపెట్టింది. గతంలో యూపీఐ పేమెంట్లు డెబిట్ కార్డు లేదా బ్యాంకు ఖాతా వివరాలతో మాత్రమే చేయగలిగేవి. ఇప్పుడు రూపే క్రెడిట్ కార్డుల ద్వారా కూడా యూపీఐ పేమెంట్లు చేయడం సాధ్యమైంది. ఈ విధానంలో రివార్డ్ పాయింట్లు, క్యాష్‌బ్యాక్, ఇతర ప్రయోజనాలు క్రెడిట్ కార్డు రకం మీద ఆధారపడి ఉంటాయి.

క్రెడిట్ కార్డుతో యూపీఐ పేమెంట్లు ఎలా చేయాలి?
యూపీఐ యాప్ ఇన్‌స్టాల్ చేయండి: యూపీఐని మొదటిసారి ఉపయోగిస్తుంటే, ఫోన్‌పే, గూగుల్ పే, BHIM వంటి యూపీఐ యాప్‌లను డౌన్‌లోడ్ చేసుకోండి.

క్రెడిట్ కార్డు లింక్ చేయండి:
యూపీఐ యాప్‌లో “Add Payment Method” సెక్షన్‌కు వెళ్లి, క్రెడిట్ కార్డు ఎంపికను ఎంచుకోండి.
క్రెడిట్ కార్డు నంబర్, CVV, ఎక్స్‌పైరీ తేదీ వంటి వివరాలను నమోదు చేయండి.
రిజిస్టర్డ్ మొబైల్ నంబర్‌కు వచ్చే OTPని ఉపయోగించి రిజిస్ట్రేషన్ పూర్తి చేయండి.

యూపీఐ ఐడీ సృష్టించండి: కార్డు లింక్ అయిన తర్వాత, అక్షరాలు, సంఖ్యలు, చిహ్నాలతో కూడిన ప్రత్యేకమైన యూపీఐ ఐడీని సృష్టించండి.

పేమెంట్ చేయండి:
QR కోడ్‌ని స్కాన్ చేయండి లేదా “Pay Phone Number” లేదా “Pay Contacts” ఎంపికను ఉపయోగించండి.
నిర్ణీత మొత్తాన్ని నమోదు చేసి, యూపీఐ పిన్ ఎంటర్ చేయడం ద్వారా పేమెంట్ పూర్తి చేయండి.

రివార్డ్ పాయింట్లు ఎలా పొందాలి?
మర్చంట్ యూపీఐ క్యూఆర్ కోడ్‌ల ద్వారా రిటైల్, ఫార్మసీలు, రెస్టారెంట్లు, పెట్రోల్ స్టేషన్లు, ఆన్‌లైన్ వేదికలలో పేమెంట్లు చేస్తే రివార్డ్ పాయింట్లు, క్యాష్‌బ్యాక్ లభిస్తాయి. అయితే, స్నేహితులకు డబ్బు బదిలీ చేసే సమయంలో ఈ రివార్డులు లభించవు.

లావాదేవీ పరిమితి:
రిజర్వ్ బ్యాంక్ ఆఫ్ ఇండియా (RBI) రూపే నెట్‌వర్క్‌కు లింక్ అయిన క్రెడిట్ కార్డుల ద్వారా రోజుకు రూ.1 లక్ష పరిమితిని నిర్దేశించింది.

గమనిక: ఈ సమాచారం కేవలం అవగాహన కోసం మాత్రమే. ఇది ఆర్థిక లేదా వ్యాపార సలహాగా పరిగణించరాదు. పెట్టుబడులు, వ్యాపార నిర్ణయాలు తీసుకునే ముందు సర్టిఫైడ్ ఆర్థిక సలహాదారుని సంప్రదించాలని chaipakodi సూచిస్తోంది. పెట్టుబడుల ద్వారా లాభనష్టాలకు chaipakodi బాధ్యత వహించదు.