Tirumala Tirupati:తిరుమల వెళ్లే శ్రీవారి భక్తులకు గుడ్ న్యూస్… శ్రీవారి నవంబర్ కోటా దర్శన టికెట్ల విడుదల తేదీలివే.. |
Tirumala Tirupati:తిరుమల వెళ్లే శ్రీవారి భక్తులకు గుడ్ న్యూస్… శ్రీవారి నవంబర్ కోటా దర్శన టికెట్ల విడుదల తేదీలివే.. నవంబర్ నెలకు సంబంధించి టీటీడీ విడుదల చేసే వివిధ దర్శనాలు మరియు గదుల కోటా వివరాలు ఈ విధంగా ఉన్నాయి:
ఆర్జిత సేవా టికెట్ల కోటా విడుదల
తిరుమల శ్రీవారి ఆర్జిత సేవా టికెట్ల నవంబర్ నెల కోటాను ఆగస్టు 18న ఉదయం 10 గంటలకు టీటీడీ ఆన్లైన్లో విడుదల చేయనుంది. ఈ సేవా టికెట్ల కోసం ఎలక్ట్రానిక్ డిప్లో పాల్గొనేందుకు ఆగస్టు 20వ తేదీ ఉదయం 10 గంటల వరకు ఆన్లైన్లో నమోదు చేసుకోవచ్చు. ఈ టికెట్లు పొందినవారు ఆగస్టు 20 నుండి 22వ తేదీ మధ్యాహ్నం 12 గంటల లోపు చెల్లింపు పూర్తి చేస్తే, లక్కీ డిప్ ద్వారా టికెట్లు మంజూరు అవుతాయి.
ఆర్జిత సేవా టికెట్ల విడుదల (ఆగస్టు 21)
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ టికెట్లను ఆగస్టు 21న ఉదయం 10 గంటలకు టీటీడీ ఆన్లైన్లో విడుదల చేయనుంది.
వర్చువల్ సేవల కోటా విడుదల (ఆగస్టు 21)
వర్చువల్ సేవలు మరియు వాటికి సంబంధించిన దర్శన స్లాట్ల కోటాను ఆగస్టు 21న మధ్యాహ్నం 3 గంటలకు టీటీడీ ఆన్లైన్లో విడుదల చేయనుంది.
అంగప్రదక్షిణం టోకెన్ల విడుదల (ఆగస్టు 23)
అంగప్రదక్షిణం టోకెన్ల కోటాను ఆగస్టు 23న ఉదయం 10 గంటలకు టీటీడీ ఆన్లైన్లో విడుదల చేయనుంది.
శ్రీవాణి ట్రస్టు టికెట్ల కోటా (ఆగస్టు 23)
శ్రీవాణి ట్రస్టు టికెట్ల ఆన్లైన్ కోటాను ఆగస్టు 23న ఉదయం 11 గంటలకు టీటీడీ విడుదల చేయనుంది.
వృద్ధులు, దివ్యాంగుల దర్శన కోటా (ఆగస్టు 23)
వయోవృద్ధులు, దివ్యాంగులు మరియు దీర్ఘకాలిక వ్యాధులతో బాధపడేవారి కోసం ఉచిత ప్రత్యేక దర్శన టోకెన్ల కోటాను ఆగస్టు 23న మధ్యాహ్నం 3 గంటలకు టీటీడీ
ఆన్లైన్లో విడుదల చేయనుంది.
ప్రత్యేక ప్రవేశ దర్శన టికెట్ల కోటా (ఆగస్టు 25)
ప్రత్యేక ప్రవేశ దర్శన టికెట్ల కోటాను ఆగస్టు 25న ఉదయం 10 గంటలకు టీటీడీ ఆన్లైన్లో విడుదల చేయనుంది.
తిరుమల, తిరుపతిలో గదుల కోటా విడుదల (ఆగస్టు 25)
తిరుమల మరియు తిరుపతిలోని గదుల కోటాను ఆగస్టు 25న మధ్యాహ్నం 3 గంటలకు టీటీడీ ఆన్లైన్లో విడుదల చేయనుంది.
శ్రీవారి ఆర్జిత సేవలు, దర్శన టికెట్లు మరియు గదుల బుకింగ్ కోసం https://ttdevasthanams.ap.gov.in వెబ్సైట్ను సందర్శించి బుక్ చేసుకోవాలని కోరడమైనది.