Fuel Credit Card: మీరు క్రెడిట్ కార్డుతో పెట్రోల్, డీజిల్ కొంటున్నారా.. ఈ విషయం తెలుసుకుంటే డబ్భు ఆదా..
Fuel Credit Card: మీరు క్రెడిట్ కార్డుతో పెట్రోల్, డీజిల్ కొంటున్నారా.. ఈ విషయం తెలుసుకుంటే డబ్భు ఆదా.. ట్రోల్, డీజిల్ లావాదేవీలపై కొన్ని క్రెడిట్ కార్డులు క్యాష్బ్యాక్, రివార్డులను అందిస్తున్నాయి. అయితే, ఈ ప్రయోజనాలకు నెలవారీ పరిమితి ఉంటుంది. ఉదాహరణకు, క్యాష్బ్యాక్ లేదా రివార్డులు నిర్దిష్ట ట్రాన్సాక్షన్ విలువ లేదా సంఖ్యకు మాత్రమే పరిమితం.
ఇంధన ఖర్చులపై కొన్ని క్రెడిట్ కార్డులు రివార్డులు, క్యాష్బ్యాక్లను అందిస్తాయి. సాధారణంగా, ఇటువంటి లావాదేవీలపై 1% ఇంధన సర్ఛార్జ్ మాఫీ లభిస్తుంది, లేకపోతే ఇంధన ఖర్చులపై అదనపు ఛార్జీలు విధించబడతాయి. అయితే, ఈ ప్రయోజనాలకు నెలవారీ పరిమితి ఉంటుంది, ఉదాహరణకు, క్యాష్బ్యాక్ నిర్దిష్ట మొత్తం లేదా ట్రాన్సాక్షన్ సంఖ్యకు మాత్రమే వర్తిస్తుంది.
పెట్రోల్, డీజిల్ కోసం క్రెడిట్ కార్డులను ఉపయోగించేటప్పుడు, ఇండియన్ ఆయిల్, హెచ్పీసీఎల్, బీపీసీఎల్ వంటి ఇంధన స్టేషన్లలో ఒకే స్టేషన్ను ఎంచుకుని, ఒకే చోట తరచూ ఇంధనం నింపుకోవడం మంచిది. ఎక్కువ రివార్డులు పొందేందుకు క్రెడిట్ కార్డు పరిమితులను దృష్టిలో ఉంచుకోవాలి. ఇంధన ఖర్చుల కోసం రూపొందించిన క్రెడిట్ కార్డులను ఆ ప్రయోజనం కోసం మాత్రమే ఉపయోగించడం ఉత్తమం.
కొన్ని బ్యాంకులు కో-బ్రాండెడ్ క్రెడిట్ కార్డులను జారీ చేస్తాయి, ఇవి అధిక రివార్డులు, క్యాష్బ్యాక్లను అందిస్తాయి. ఉదాహరణకు, ఇండియన్ ఆయిల్ యాక్సిస్ బ్యాంక్ క్రెడిట్ కార్డు, బీపీసీఎల్ ఎస్బీఐ కార్డు ఆక్టేన్, హెచ్పీసీఎల్ ఐసీఐసీ బ్యాంక్ క్రెడిట్ కార్డులు ఇంధన ఖర్చులపై సర్ఛార్జ్ మాఫీతో పాటు 3-5% క్యాష్బ్యాక్ అందిస్తాయి. కొన్ని కార్డులు డైనింగ్, షాపింగ్పై కూడా డిస్కౌంట్లను అందిస్తాయి. అయితే, ఈ కార్డులను ఎంచుకునేటప్పుడు క్యాష్బ్యాక్ శాతం, వార్షిక ఫీజు, రివార్డుల రిడెంప్షన్ సౌలభ్యం వంటి అంశాలను పరిగణనలోకి తీసుకోవాలి.
హిడెన్ ఛార్జీల గురించి జాగ్రత్త!
పెట్రోల్, డీజిల్ ఖర్చులపై క్యాష్బ్యాక్ లభిస్తుంది, కానీ వార్షిక ఫీజు లేదా సకాలంలో చెల్లింపులు చేయకపోతే అధిక వడ్డీ రేట్లు చెల్లించాల్సి రావచ్చు. కాబట్టి, సమయానికి చెల్లింపులు చేయడం ముఖ్యం.
Disclaimer:కరెన్సీ, రియల్ ఎస్టేట్, బంగారం వంటి పెట్టుబడి సాధనాలు లాభనష్టాలకు లోనవుతాయి. మీ పెట్టుబడులు, వ్యాపార నిర్ణయాల వల్ల జరిగే లాభనష్టాలకు chaipakodi బాధ్యత వహించదు. ఆర్థిక నిర్ణయాలు తీసుకునే ముందు సర్టిఫైడ్ ఆర్థిక సలహాదారులను సంప్రదించాలని సూచిస్తున్నాము.