Hair Care Tips:జుట్టు పలచబడుతోందా? ఈ టిప్స్ ఫాలో అయితే ఒత్తైన జుట్టు మీ సొంతం..
Hair Care Tips:జుట్టు పలచబడుతోందా? ఈ టిప్స్ ఫాలో అయితే ఒత్తైన జుట్టు మీ సొంతం.. ఈ రోజుల్లో జుట్టు రాలడం, పలుచబడడం చాలామంది ఎదుర్కొంటున్న సమస్య. వాతావరణ కాలుష్యం, ఒత్తిడి, పోషకాహార లోపం వంటివి దీనికి ప్రధాన కారణాలు. అయినప్పటికీ, కొన్ని సహజ పద్ధతులను అనుసరించడం ద్వారా జుట్టును ఒత్తుగా, ఆరోగ్యంగా, పొడవుగా పెంచుకోవచ్చు. దీనికి ఖరీదైన ఉత్పత్తులు అవసరం లేదు. ఇంట్లోనే లభించే వస్తువులతో మంచి ఫలితాలను సాధించవచ్చు.
పోషకాహారం తీసుకోవడం:
జుట్టు పెరుగుదల ఆహారంపై ఎక్కువగా ఆధారపడి ఉంటుంది. జుట్టుకు అవసరమైన పోషకాలు అందితేనే అది బలంగా, ఆరోగ్యంగా ఉంటుంది. విటమిన్ E, విటమిన్ C, ప్రొటీన్లు, ఐరన్లు సమృద్ధిగా ఉన్న ఆహారాన్ని తీసుకోవాలి. ఆకుకూరలు, పండ్లు, గుడ్లు, పప్పులు, డ్రై ఫ్రూట్స్ను ఆహారంలో చేర్చండి. ఇవి జుట్టు కుదుళ్లను బలపరిచి, జుట్టు రాలడాన్ని తగ్గిస్తాయి.
నూనెతో మసాజ్:
తల స్నానం చేసే ముందు గోరువెచ్చని నూనెతో తలకు మసాజ్ చేయడం ఎంతో మేలు చేస్తుంది. కొబ్బరి నూనె, బాదం నూనె, లేదا ఆముదం నూనెను ఉపయోగించవచ్చు. వారానికి ఒకటి లేదా రెండు సార్లు నూనెను వేడి చేసి తలకు రాసి మర్దన చేయండి. ఇది తలలో రక్త ప్రసరణను మెరుగుపరుస్తుంది, జుట్టు కుదుళ్లను బలోపేతం చేసి, జుట్టు ఒత్తుగా పెరగడానికి సహాయపడుతుంది.
ఉల్లిపాయ రసం:
ఉల్లిపాయ రసం జుట్టు రాలడాన్ని నియంత్రించడంలో చాలా ప్రభావవంతంగా పనిచేస్తుంది. ఉల్లిపాయలోని సల్ఫర్ జుట్టు కుదుళ్లకు బలాన్ని అందిస్తుంది. ఒక ఉల్లిపాయను తురిమి, దాని రసాన్ని తీసి తల వెంట్రుకల కుదుళ్లకు అప్లై చేయండి. 15-20 నిమిషాల తర్వాత షాంపూతో తల స్నానం చేయండి. వారానికి ఒకసారి ఈ విధంగా చేస్తే మంచి ఫలితాలు కనిపిస్తాయి.
కలబంద (అలోవెరా):
కలబంద జుట్టు పెరుగుదలకు అద్భుతమైన సహజ ఔషధం. ఇందులోని ఎంజైమ్లు జుట్టు కుదుళ్లను పోషించడమే కాక, చుండ్రును కూడా నివారిస్తాయి. కలబంద ఆకు నుంచి జెల్ తీసి, దాన్ని తలకు రాసి 20-30 నిమిషాలు ఉంచండి. తర్వాత గోరువెచ్చని నీటితో కడిగేయండి. ఇది జుట్టును మృదువుగా, మెరిసేలా చేస్తుంది.
రసాయన ఉత్పత్తుల వాడకాన్ని తగ్గించండి:
జుట్టును ఆరోగ్యంగా, ఒత్తుగా పెంచాలంటే హెయిర్ డ్రయర్స్, స్ట్రెయిట్నర్స్ వంటి పరికరాల వాడకాన్ని తగ్గించాలి. ఈ పరికరాల నుంచి వచ్చే వేడి జుట్టుకు హాని కలిగిస్తుంది. అలాగే, రసాయనాలు ఎక్కువగా ఉండే షాంపూలు, కండీషనర్లకు బదులు సహజ ఉత్పత్తులను ఎంచుకోవడం ఉత్తమం.
ఒత్తిడిని నియంత్రించండి:
అధిక ఒత్తిడి జుట్టు రాలడానికి ఒక ప్రధాన కారణం. యోగా, ధ్యానం, శారీరక వ్యాయామాలు చేయడం ద్వారా ఒత్తిడిని తగ్గించుకోవచ్చు. ఇది జుట్టు రాలడాన్ని తగ్గించి, జుట్టును ఆరోగ్యంగా ఉంచడంలో సహాయపడుతుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ