White Hair:ముప్పై ఏళ్లు నిండకముందే జుట్టు తెల్లబడుతోందా.. ఈ ఫుడ్స్ తింటే తెల్లజుట్టు నలల్గా మారుతుంది..

White Hair turn black home Remedies :ముప్పై ఏళ్లు నిండకముందే జుట్టు తెల్లబడుతోందా.. ఈ ఫుడ్స్ తింటే తెల్లజుట్టు నలల్గా మారుతుంది.. చిన్న వయసులోనే జుట్టు తెల్లబడుతోందా? చింతించకండి! కొన్ని ఆహారాలను రెగ్యులర్‌గా తీసుకోవడం ద్వారా తెల్ల జుట్టు సమస్యను తగ్గించి, జుట్టును నల్లగా, ఆరోగ్యంగా మార్చవచ్చని నిపుణులు చెబుతున్నారు.

ఈ రోజుల్లో చాలా మంది యువకులు, పిల్లలు కూడా తెల్ల జుట్టు సమస్యతో బాధపడుతున్నారు. గతంలో ఈ సమస్య సాధారణంగా 40-45 ఏళ్ల తర్వాత కనిపించేది, కానీ ఇప్పుడు ఒత్తిడి, నిద్రలేమి, అనారోగ్యకరమైన ఆహారపు అలవాట్ల వల్ల చిన్న వయసులోనే ఈ సమస్య సర్వసాధారణమైంది. జుట్టు రంగును నిర్ణయించే మెలనిన్ అనే సహజ వర్ణద్రవ్యం శరీరంలో తగ్గడం వల్ల జుట్టు తెల్లబడుతుంది. అయితే, కొన్ని ఆహారాలు మెలనిన్ ఉత్పత్తిని పెంచడానికి సహాయపడతాయి. అవేంటో తెలుసుకుందాం:

1. ఉసిరి
ఉసిరి కాయలు ఈ సీజన్‌లో సులభంగా దొరుకుతాయి. ఇవి జుట్టు ఆరోగ్యానికి అద్భుతంగా పనిచేస్తాయి. ఉసిరిలోని విటమిన్ సి, యాంటీ ఆక్సిడెంట్లు జుట్టును బలంగా, పొడవుగా చేయడమే కాకుండా, జుట్టు కుదుళ్లలో మెలనిన్ ఉత్పత్తిని పెంచుతాయి. రోజూ ఒక ఉసిరి కాయ తినడం లేదా ఉసిరి నూనె, హెయిర్ మాస్క్‌ను ఉపయోగించడం వల్ల తెల్ల జుట్టు సమస్యను నివారించవచ్చు. సీజన్ కానప్పుడు ఉసిరిని ఎలా తీసుకోవాలో చూద్దాం. సీజన్ లో ఉన్న ఉసిరిని ముక్కలుగా కట్ చేసి ఎండబెట్టి నిల్వ చేసుకోవచ్చు.

2. గుడ్డు
గుడ్డు ప్రోటీన్‌కు అద్భుతమైన మూలం. ఇది శరీరానికి మాత్రమే కాక, జుట్టు ఆరోగ్యానికి కూడా ఎంతో మేలు చేస్తుంది. గుడ్డు జుట్టులో మెలనిన్ ఉత్పత్తిని ప్రోత్సహిస్తుంది, జుట్టును బలపరుస్తూ, మృదువుగా, సిల్కీగా మారుస్తుంది. గుడ్డును ఆహారంలో తీసుకోవడంతో పాటు, గుడ్డు మాస్క్‌ను జుట్టుకు అప్లై చేయడం ద్వారా కూడా పోషణ అందించవచ్చు.

3. క్యారెట్
క్యారెట్లు శరీరంలోని బలహీనతను తగ్గించడంతో పాటు, తెల్ల జుట్టు సమస్యను నివారిస్తాయి. ఇవి జుట్టులో రక్త ప్రసరణను మెరుగుపరుస్తాయి, జుట్టు వేగంగా పెరగడానికి సహాయపడతాయి. క్యారెట్‌లోని పోషకాలు హిమోగ్లోబిన్ స్థాయిని పెంచుతాయి, అకాల తెల్ల జుట్టు సమస్యను తగ్గిస్తాయి. కాబట్టి, రోజువారీ ఆహారంలో క్యారెట్‌ను చేర్చుకోవాలని నిపుణులు సూచిస్తున్నారు.

4. బ్రకోలీ
బ్రకోలీ ఒక సూపర్ ఫుడ్, ఇది రోగనిరోధక శక్తిని బలోపేతం చేస్తుంది, క్యాన్సర్ ప్రమాదాన్ని తగ్గిస్తుంది, ఇతర వ్యాధుల నుంచి రక్షణ కల్పిస్తుంది. తెల్ల జుట్టు సమస్యతో బాధపడేవారు బ్రకోలీని తమ ఆహారంలో చేర్చుకోవాలి. ఇది మెలనిన్ ఉత్పత్తిని సహజంగా ప్రోత్సహిస్తూ, జుట్టుకు అవసరమైన పోషణను అందిస్తుంది.

5. బ్లాక్ టీ
బ్లాక్ టీలోని యాంటీ ఆక్సిడెంట్లు, టానిక్ యాసిడ్ జుట్టును నల్లగా, మెరిసేలా చేస్తాయి. రోజుకు ఒక కప్పు బ్లాక్ టీ తాగడం వల్ల జుట్టు బలంగా, ఆరోగ్యంగా మారుతుంది. ఇది కొలెస్ట్రాల్ స్థాయిలను మెరుగుపరచడం, గుండె ఆరోగ్యాన్ని కాపాడటం, బరువు తగ్గడంలో కూడా సహాయపడుతుంది.

ఇప్పుడు చెప్పిన ఆహారాలు అన్నీ సంవత్సరం పొడవునా లభ్యం అవుతాయి. కాబట్టి వీటిని రెగ్యలర్ గా తీసుకుంటే తెల్లజుట్టు నలల్గా మారటమే కాకుండా జుట్టు రాలకుండా ఒత్తుగా పెరుగుతుంది. జుట్టు కుదుళ్ళు బలంగా మారతాయి. ముఖ్యంగా చిన్న వయస్సులోనే తెల్లజుట్టు వచ్చినప్పుడు అసలు కంగారు పడవలసిన అవసరం లేదు.

ఇప్పుడు చెప్పిన బ్లాక్ టీ,బ్రకోలి,క్యారెట్,గుడ్డు, ఉసిరి.. ఇవన్ని జుట్టు పెరుగుదలలో సహాయపడటమే కాకుండా తెల్లజుట్టు నల్లగా మారటంలో సహాయపడుతుంది. అంతేకాక జుట్టుకి సంబందించిన సమస్యలు అన్ని ఎటువంటి సైడ్ effects లేకుండా పరిష్కారం చేసుకోవచ్చు. కాబట్టి ఈ ఆహారాలను తీసుకోవటానికి ప్రయత్నం చేయండి. మార్కెట్ లో దొరికే ఉత్పత్తులను వాడకుండా ఇలాంటి ఆహారాలను తీసుకోండి. అప్పుడే మంచి పలితాలను సులభంగా పొందవచ్చు.

గమనిక: ఈ సమాచారం సాధారణ జ్ఞానం కోసం మాత్రమే. ఇది ఎట్టి పరిస్థితుల్లోనూ వైద్య సలహా లేదా చికిత్సకు ప్రత్యామ్నాయం కాదు. ఈ ఆహారాలను పాటించే ముందు, మీ వైద్యుడిని సంప్రదించండి. ఈ సమాచారం యొక్క ఖచ్చితత్వం లేదా ప్రభావానికి chaipakodi బాధ్యత వహించబడదు.