Post Office:వారెవ్వా.. భార్యాభర్తలకు అదిరిపోయే పథకం.. ఇంట్లో కూర్చొని నెలకు రూ.9,000 సంపాదించండి!

Post Office:వారెవ్వా.. భార్యాభర్తలకు అదిరిపోయే పథకం.. ఇంట్లో కూర్చొని నెలకు రూ.9,000 సంపాదించండి..ఇంటి నుంచే ఎలాంటి శ్రమ లేకుండా ప్రతి నెలా మంచి ఆదాయం సంపాదించాలని ఆలోచిస్తున్నారా? అయితే ఈ ప్రభుత్వ పథకం మీకు అద్భుతమైన అవకాశం. ఒక్కసారి పెట్టుబడి పెట్టడం ద్వారా మీరు నెలవారీ స్థిర ఆదాయాన్ని పొందవచ్చు. పోస్ట్ ఆఫీస్ నెలవారీ ఆదాయ పథకం (POMIS) గురించి ఈ కథనంలో మరింత తెలుసుకుందాం…

పోస్ట్ ఆఫీస్ మంత్లీ ఇన్‌కమ్ స్కీమ్ అనేది స్థిరమైన, రిస్క్ రహిత ఆదాయం కోరుకునే వారికి కేంద్ర ప్రభుత్వం అందించే అద్భుతమైన పొదుపు పథకం. ఒకసారి నిర్ణీత మొత్తాన్ని డిపాజిట్ చేస్తే, ప్రతి నెలా వడ్డీ రూపంలో స్థిర ఆదాయం పొందవచ్చు. ఈ పథకానికి ప్రభుత్వ మద్దతు ఉండటం వల్ల మీ పెట్టుబడి పూర్తిగా సురక్షితం. ప్రస్తుతం ఈ పథకంపై 7.4% వార్షిక వడ్డీ రేటు లభిస్తోంది, ఇది ప్రతి నెలా మీ ఖాతాలో జమ అవుతుంది. ఈ ఆదాయం మీ నెలవారీ ఖర్చులకు గొప్ప సహాయకారిగా ఉంటుంది.

ఎంత పెట్టుబడి పెట్టవచ్చు?
కనీస పెట్టుబడి: రూ.1,000తో ఖాతా తెరవవచ్చు.
గరిష్ట పెట్టుబడి:వ్యక్తిగత ఖాతాలో గరిష్టంగా రూ.9 లక్షలు.జాయింట్ అకౌంట్‌లో గరిష్టంగా రూ.15 లక్షలు.

జాయింట్ అకౌంట్‌లో గరిష్టంగా ముగ్గురు వ్యక్తులు చేరవచ్చు.జాయింట్ అకౌంట్‌లో రూ.15 లక్షలు డిపాజిట్ చేస్తే, నెలకు సుమారు రూ.9,250 ఆదాయం. వ్యక్తిగత ఖాతాలో రూ.9 లక్షలు డిపాజిట్ చేస్తే, నెలకు సుమారు రూ.5,550 ఆదాయం.

మెచ్యూరిటీ & ఖాతా వివరాలు
మెచ్యూరిటీ కాలం: 5 సంవత్సరాలు.
మెచ్యూరిటీ తర్వాత మీ పెట్టుబడిని ఉపసంహరించుకోవచ్చు లేదా తాజా వడ్డీ రేటుతో మరో 5 ఏళ్లపాటు పొడిగించవచ్చు.
10 ఏళ్లు దాటిన పిల్లల పేరు మీద సంరక్షకులు ఖాతా తెరవవచ్చు, ఈ ఆదాయాన్ని వారి ఖర్చుల కోసం వినియోగించవచ్చు.
ఒక వ్యక్తి తన గరిష్ట పెట్టుబడి పరిమితిలో ఎన్ని POMIS ఖాతాలైనా తెరవవచ్చు.

ముందస్తు ఉపసంహరణ & పన్ను నియమాలు
ఖాతా తెరిచిన ఏడాదిలోపు ఉపసంహరణకు అనుమతి లేదు.1-3 ఏళ్ల మధ్య ఉపసంహరిస్తే, 2% కోత విధించబడుతుంది.3 ఏళ్ల తర్వాత ఉపసంహరిస్తే, 1% కోత మాత్రమే.

పన్ను నియమాలు: నెలవారీ వడ్డీ ఆదాయం మీ పన్ను పరిధిలోకి వస్తుంది, కానీ పోస్ట్ ఆఫీస్ TDS విధించదు.
బదిలీ సౌలభ్యం: POMIS ఖాతాను ఒక పోస్ట్ ఆఫీస్ నుంచి మరొక పోస్ట్ ఆఫీస్‌కు బదిలీ చేయవచ్చు.

ఎవరికి ఉపయోగకరం?
ఈ పథకం సీనియర్ సిటిజన్స్, రిస్క్ లేని నెలవారీ ఆదాయం కోరుకునే వారు, లేదా భవిష్యత్తు కోసం కలిసి ప్లాన్ చేసే భార్యాభర్తలకు అనువైనది. ఒకసారి పెట్టుబడి పెట్టండి, స్థిరమైన ఆదాయంతో ఆర్థిక స్వేచ్ఛను ఆస్వాదించండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.