Vastu Tips:కొత్త ఇల్లు కొనబోతున్నారా? ఈ 5 వాస్తు నియమాలు తప్పనిసరిగా చెక్ చేయండి.. లేకపోతే పెద్ద నష్టం!
Vastu Tips:కొత్త ఇల్లు కొనబోతున్నారా? ఈ 5 వాస్తు నియమాలు తప్పనిసరిగా చెక్ చేయండి.. లేకపోతే పెద్ద నష్టం.. హిందూ సంప్రదాయంలో వాస్తు శాస్త్రానికి ఎంతో ప్రాధాన్యత ఉంది. ఇల్లు సరిగ్గా వాస్తు అనుగుణంగా ఉంటే సంపద, ఆరోగ్యం, శాంతి, సౌభాగ్యం కలిసి వస్తాయని నమ్మకం. కాబట్టి కొత్త ఫ్లాట్ లేదా ఇండిపెండెంట్ హౌస్ కొనేముందు ఈ 5 ముఖ్యమైన వాస్తు పాయింట్లను రీచెక్ చేసుకోండి.
టాయిలెట్ / బాత్రూమ్ దిశ
వాస్తు ప్రకారం టాయిలెట్ పశ్చిమం లేదా వాయువ్య దిశలో ఉండటం ఉత్తమం. ఈశాన్యం, ఆగ్నేయం, ఉత్తరం లేదా మధ్యభాగంలో ఉంటే మాత్రం అస్సలు మంచిది కాదు. నేడు చాలా ఫ్లాట్స్లో అటాచ్డ్ బాత్రూమ్స్ ఉంటాయి కాబట్టి, మాస్టర్ బెడ్రూమ్ ఏ దిశలో ఉంది, దానికి అటాచ్డ్ టాయిలెట్ దిశ ఏమిటి అనేది జాగ్రత్తగా చూసుకోండి.
ALSO READ:ఇంటి చెక్క ఫర్నిచర్ను చెదలు పట్టకుండా కాపాడుకోవాలంటే… ఈ 6 సులభమైన టిప్స్ పాటించండి!
వంటగది (Kitchen)
వంటగది తప్పక ఆగ్నేయ మూల (South-East)లో ఉండాలి. ఇది అగ్ని తత్వానికి సంబంధించిన మూల కాబట్టి ఇక్కడ స్టవ్ ఉంటే కుటుంబంలో ఆర్థిక లాభాలు, ఆరోగ్యం మెరుగుపడతాయి. ఈశాన్యంలో వంటగది ఉంటే ఆర్థిక నష్టాలు, గృహణుల మధ్య విభేదాలు వస్తాయని వాస్తు చెబుతోంది.
పూజ గది
పూజ గది లేదా దేవుడి ఫోటోలు పెట్టే స్థలం ఈశాన్య దిశ (North-East)లో ఉండాలి. ఈ దిశను “దైవ మూల” అంటారు. ఇక్కడ పూజ గది ఉంటే ఇంట్లో శాంతి, సౌభాగ్యం, కుబేర ఆశీస్సులు లభిస్తాయని నమ్మకం. ఈ దిశలో టాయిలెట్ లేదా వంటగది ఉంటే ఎంతటి ఐశ్వర్యం వచ్చినా నిలబెట్టుకోలేరట.
ALSO READ:రోజూ ఈ ఆహారాలు తింటే… జుట్టు వేగంగా పెరుగుతుంది, రాలడం తగ్గుతుంది..
సూర్యరశ్మి & వెంటిలేషన్
ఇంట్లో ఉదయం సూర్యకిరణాలు సరిగ్గా పడేలా ఉండాలి. ముఖ్యంగా ఈశాన్య దిశ నుంచి గాలి, కాంతి రావడం అద్భుతం. ఇది ఇంట్లో సానుకూల శక్తిని పెంచడమే కాకుండా, ఆరోగ్యాన్ని కాపాడుతుంది. మురికి గాలి, చీకటి ఉండే ఇళ్లలో ఎప్పుడూ అనారోగ్య సమస్యలు తప్పవు.
మెయిన్ డోర్ ముందు అడ్డంకులు ఉండకూడదు
ఇంటి ప్రధాన ద్వారం ముందు పెద్ద చెట్టు, ఎలక్ట్రిక్ పోల్, ట్రాన్స్ఫార్మర్, వాటర్ ట్యాంక్, డ్రైనేజీ పైపు, మెయిన్ రోడ్డు డైరెక్ట్గా ఢీకొనేలా ఉండకూడదు. ఇలాంటివి ఉంటే సానుకూల శక్తి లోపలికి రాదు, ఆర్థిక నష్టాలు, ఆరోగ్య సమస్యలు, కోర్టు కేసులు వస్తాయని వాస్తు హెచ్చరిస్తోంది.
మీ డబ్బు కష్టపడి సంపాదించినది కదా… ఒక్కసారి ఈ 5 పాయింట్లు చెక్ చేసుకుని, వాస్తు సరిగ్గా ఉన్న ఇల్లే కొనండి. మీ కుటుంబం ఎప్పటికీ సుఖ సంతోషాలతో ఉంటుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/