Hair Care Tips: జుట్టు రాలడం ఆగిపోయి, ఒత్తుగా పెరగాలా? అయితే ఈ గింజలతో నూనె తయారు చేసుకోండి!

ఈ రోజుల్లో జుట్టు రాలే సమస్య ప్రతి ఒక్కరినీ వేధిస్తోంది. జుట్టు రాలడం మొదలవ్వగానే మార్కెట్లో దొరికే రకరకాల కెమికల్ ప్రొడక్ట్స్ వాడుతూ డబ్బు వృధా చేసుకుంటుంటారు. కానీ, వాటి వల్ల పెద్దగా ప్రయోజనం ఉండదు.

అయితే, మన ఇంటి వద్ద దొరికే కొన్ని సహజసిద్ధమైన వస్తువులతో ఈ సమస్యకు శాశ్వత చెక్ పెట్టొచ్చు. ముఖ్యంగా “గురివింద గింజలతో” తయారు చేసే ఆయుర్వేద నూనె జుట్టు సమస్యలకు అద్భుతంగా పనిచేస్తుంది.

ఆ నూనె ఎలా తయారు చేయాలో, దానికి ఏమేం కావాలో ఇప్పుడు చూద్దాం.

కావాల్సిన పదార్థాలు:
గురివింద గింజలు: 20 నుంచి 30 (పల్లెటూర్లలో లేదా ఆయుర్వేద షాపుల్లో దొరుకుతాయి)
పాలు: అర గ్లాసు
కొబ్బరి నూనె: 100 గ్రాములు
భృంగరాజ్ పౌడర్ (గుంటగలగర ఆకు పొడి): 1 టీస్పూన్

నూనె తయారీ విధానం:
ముందుగా 20-30 గురివింద గింజలను తీసుకుని మిక్సీలో వేసి బరకగా (పప్పులా) పట్టుకోవాలి.

ఈ గింజల మిశ్రమాన్ని ఒక మందపాటి కాటన్ గుడ్డలో వేసి మూటలా కట్టాలి.

స్టవ్ మీద గిన్నె పెట్టి అర గ్లాసు పాలు పోసి, అందులో ఈ మూటను వేయాలి. పాలు దగ్గరపడే వరకు మరిగించి స్టవ్ ఆఫ్ చేయాలి. (ఇలా చేయడం వల్ల గింజల్లోని ఔషధ గుణాలు బయటకు వస్తాయి).

ఇప్పుడు మరో గిన్నెలో 100 గ్రాముల కొబ్బరి నూనె తీసుకుని వేడి చేయాలి. అందులో ఒక స్పూన్ భృంగరాజ్ పౌడర్ వేసి ఓ నిమిషం పాటు వేయించాలి.

ఆ తర్వాత పాలలో ఉడికించి పక్కన పెట్టుకున్న గురివింద గింజల పప్పును ఈ నూనెలో వేసి, నూనె బాగా మరిగే వరకు ఉంచాలి.

నూనె పూర్తిగా చల్లారాక వడకట్టి, ఒక గాజు సీసాలో నిల్వ చేసుకోవాలి.

ఎలా వాడాలి? ఉపయోగాలు:
ఈ నూనెను వారానికి రెండుసార్లు తలకు, కుదుళ్లకు బాగా పట్టించాలి.రాత్రి పడుకునే ముందు రాసుకుని, మరుసటి రోజు ఉదయం తలస్నానం చేస్తే ఉత్తమ ఫలితాలు ఉంటాయి.

ప్రయోజనాలు: ఈ నూనె వాడటం వల్ల జుట్టు రాలడం త్వరగా తగ్గుతుంది. అంతేకాకుండా జుట్టు ఒత్తుగా, పొడవుగా పెరగడమే కాకుండా, తెల్ల జుట్టు సమస్య కూడా క్రమంగా మాయమవుతుంది.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com