Gunde Ninda Gudigantalu:గుండె నిండా గుడిగంటలు బాలు రెమ్యూనరేషన్.. బిగ్ బాస్ ఆఫర్ రిజెక్ట్..?
బుల్లితెరపై ప్రస్తుతం ట్రెండింగ్‌లో ఉన్న సీరియల్ ఏదంటే టక్కున గుర్తువచ్చే పేరు ‘గుండె నిండా గుడిగంటలు’. ఈ సీరియల్‌కు, అందులో హీరోగా నటిస్తున్న బాలు (విష్ణు) పాత్రకు ప్రేక్షకుల నుంచి వస్తున్న స్పందన అంతా ఇంతా కాదు. ముఖ్యంగా ఫ్యామిలీ ఆడియెంట్స్ మరియు లేడీస్ ఫ్యాన్ ఫాలోయింగ్ విషయంలో బాలు రేంజ్ వేరే లెవెల్‌లో ఉంది.
తాజాగా ఈ నటుడికి సంబంధించిన ఓ ఆసక్తికరమైన వార్త సోషల్ మీడియాలో వైరల్ అవుతోంది. అదేంటంటే… టెలివిజన్ చరిత్రలోనే ఎవరికీ దక్కని భారీ ఆఫర్‌ను ఆయన సున్నితంగా తిరస్కరించారట! అసలు విషయంలోకి వెళితే…
బిగ్ బాస్ నుంచి బంపర్ ఆఫర్!
ప్రతిష్టాత్మకంగా సాగుతున్న బిగ్ బాస్ షోలోకి వెళ్లడానికి విష్ణుకు ఆహ్వానం అందడమే కాకుండా, షో నిర్వహకులు ఆయన కోసం ఏకంగా వారానికి రూ. 6 లక్షల రెమ్యూనరేషన్ ఆఫర్ చేశారట! ఇప్పటివరకు బిగ్ బాస్ హిస్టరీలో ఏ కంటెస్టెంట్‌కు కూడా ఆరంభంలోనే ఈ స్థాయిలో పారితోషికం ఆఫర్ చేయలేదంటే, బుల్లితెరపై బాలు క్రేజ్ ఏపాటిదో అర్థం చేసుకోవచ్చు.
అభిమానుల కోసమే ఆ నిర్ణయం!
ఎప్పుడైతే బాలు బిగ్ బాస్‌కు వెళ్తున్నారనే వార్తలు బయటికి వచ్చాయో, అభిమానుల నుంచి తీవ్ర ఆందోళన వ్యక్తమైంది. “బాలు పాత్రలో మిమ్మల్ని తప్ప ఇంకెవరినీ ఊహించుకోలేం, దయచేసి వెళ్లకండి” అంటూ సోషల్ మీడియా వేదికగా ఫ్యాన్స్ రిక్వెస్ట్ చేశారు.
దీంతో ప్రేక్షకుల మనసు నొప్పించడం ఇష్టం లేక, రూ. 6 లక్షల భారీ ఆఫర్‌ను కూడా పక్కనపెట్టి ‘గుండె నిండా గుడిగంటలు’ సీరియల్‌కే బాలు మొగ్గు చూపారు.
సీరియల్ రెమ్యూనరేషన్ ఎంతంటే?
ప్రస్తుతం ‘గుండె నిండా గుడిగంటలు’ సీరియల్ కోసం విష్ణుకు రోజుకు రూ. 50,000 పారితోషికం అందుతోందని సమాచారం. అంటే వారానికి దాదాపు రూ. 3,50,000 అన్నమాట. బిగ్ బాస్ ఆఫర్‌తో పోలిస్తే ఇది తక్కువే అయినప్పటికీ, తనను గుండెల్లో పెట్టుకున్న అభిమానుల కోసం ఆయన ఈ త్యాగం చేయడం విశేషం.
మరి బిగ్ బాస్‌కు వెళ్లి ఉంటే మరింత క్రేజ్ వచ్చేదేమో కానీ, ప్రస్తుతం నెంబర్ 1 రేటింగ్స్‌తో దూసుకుపోతున్న ఈ సీరియల్‌ను వదిలేయడం ఇష్టం లేకనే బాలు ఈ నిర్ణయం తీసుకున్నారని తెలుస్తోంది. ఏదేమైనా డబ్బు కంటే అభిమానుల ప్రేమనే ఎక్కువ అని నిరూపించిన బాలు నిర్ణయంపై ప్రస్తుతం ప్రశంసల జల్లు కురుస్తోంది!
గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com