యాంకర్ ఉదయభాను ఆ స్టార్ హీరోయిన్ కు డబ్బింగ్ చెప్పిందా? ఏ సినిమాకో తెలిస్తే ఆశ్చర్యపోతారు!
తెలుగు బుల్లితెరపై యాంకర్ ఉదయభాను గురించి ప్రత్యేకంగా పరిచయాలు అవసరం లేదు. తనదైన చలాకీ మాటలతో, ఎనర్జిటిక్ యాంకరింగ్ తో ఒకానొక సమయంలో టీవీ రంగంలో ఓ ఊపు ఊపారు. ఎన్నో అద్భుతమైన కార్యక్రమాలతో బిజీగా గడిపిన ఆమె.. ఆ తర్వాత ఇండస్ట్రీకి వస్తున్న కొత్త వారి పోటీ మధ్య నెమ్మదిగా స్క్రీన్ కు దూరమయ్యారు.
అయితే, ఇప్పుడు మళ్ళీ ఓ సరికొత్త అవతారంలో రీ-ఎంట్రీ ఇచ్చి తన అభిమానులను సర్ ప్రైజ్ చేస్తున్నారు. ఈ ప్రమోషన్స్ లో భాగంగా ఆమె బయటపెట్టిన ఒక పాత సీక్రెట్ ఇప్పుడు నెట్టింట వైరల్ గా మారింది.
ఉదయభాను వాయిస్ కు ఎంత క్రేజ్ ఉందో ప్రత్యేకంగా చెప్పక్కర్లేదు. అంత అద్భుతమైన వాయిస్ ఉన్నప్పుడు సినిమాలకు డబ్బింగ్ చెప్పొచ్చు కదా అని ఇటీవల ఒక ఇంటర్వ్యూలో యాంకర్ అడగ్గా.. ఆమె ఒక ఆసక్తికరమైన విషయాన్ని పంచుకున్నారు.

నితిన్, ఛార్మి జంటగా కృష్ణవంశీ దర్శకత్వంలో వచ్చిన హిట్ మూవీ ‘శ్రీ ఆంజనేయం’ అందరికీ గుర్తే ఉంటుంది. ఆ సినిమాలో హీరోయిన్ ఛార్మికి డబ్బింగ్ చెప్పింది మరెవరో కాదు, మన ఉదయభానే. ఇన్నాళ్లూ ఈ విషయం తెలియని ప్రేక్షకులు ఇప్పుడు ఈ న్యూస్ విని ఆశ్చర్యపోతున్నారు.
మరి డబ్బింగ్ ఎందుకు కంటిన్యూ చేయలేదు?
ఛార్మికి డబ్బింగ్ చెప్పిన తర్వాత ఉదయభానుకు చాలా సినిమాల్లో వాయిస్ ఇచ్చే అవకాశాలు క్యూ కట్టాయట. కానీ, ఒక సినిమాకు డబ్బింగ్ పూర్తి చేయాలంటే కనీసం నాలుగు నుంచి ఐదు రోజుల సమయం పడుతుంది.
ఆ సమయంలో టీవీ షోలతో క్షణం తీరిక లేకుండా గడపటం వల్ల, డబ్బింగ్ కోసం ప్రత్యేకంగా సమయం కేటాయించలేక ఆ ఆఫర్లను రిజెక్ట్ చేసినట్లు ఉదయభాను చెప్పుకొచ్చారు.
నిర్మాతగా సక్సెస్ ఫుల్ సెకండ్ ఇన్నింగ్స్:
కొంతకాలం గ్యాప్ తీసుకున్న ఉదయభాను ఇప్పుడు యాంకర్ గానో, నటిగానో కాకుండా ఏకంగా నిర్మాతగా మారారు. ‘ఉదయభాను ప్రొడక్షన్ హౌస్’ బ్యానర్ పై ‘పంచనామా’ అనే వెబ్ సిరీస్ ను నిర్మించారు.
ప్రస్తుతం జీ5 (Zee5) ఓటీటీలో స్ట్రీమ్ అవుతున్న ఈ సిరీస్ ప్రేక్షకులను విశేషంగా ఆకట్టుకుంటోంది. నిర్మాతగా మొదటి అడుగులోనే సక్సెస్ కొట్టడంతో ఆమె మరింత ఉత్సాహంగా ఉన్నారు.
ఈ ప్రమోషన్స్ లోనే ఆమె ఇండస్ట్రీ రాజకీయాల గురించి కూడా కొన్ని ఆసక్తికర వ్యాఖ్యలు చేశారు. ఒకానొక దశలో ఇండస్ట్రీలోని పాలిటిక్స్ కారణంగానే తనకు అవకాశాలు రాకుండా చేశారని, కానీ దేవుడి దయ, తన టాలెంట్ వల్లే మళ్లీ ఈ స్థాయిలో నిలబడగలిగానని ఉదయభాను స్పష్టం చేశారు. మొత్తానికి నిర్మాతగా మంచి విజయాన్ని అందుకున్న ఉదయభాను, రాబోయే రోజుల్లో మరిన్ని ఇంట్రెస్టింగ్ ప్రాజెక్టులతో ప్రేక్షకుల ముందుకు రానున్నారు.
గమనిక:ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com

