జబర్దస్త్ నవీన్ వయసు ఎంతో తెలిస్తే నిజంగా ఆశ్చర్యపోతారు
పాపులర్ కామెడీ షో జబర్దస్త్ లో తనకంటూ ప్రత్యేక గుర్తింపు సంపాదించుకున్న జబర్దస్త్ నవీన్ కూడా మంచి పేరు తెచ్చుకున్నాడు. గడ్డం నవీన్ అనే నిక్ నేమ్ కూడా ఉంది. ఇలా రెండు పేర్లతో కూడా ఈ నటుడు పాపులర్ అయ్యాడు. ముఖ్యంగా అదిరే అభి స్కిట్స్లో స్పెషల్ క్రేజ్ తెచ్చుకున్నాడు. అందులో అభి, రాముతో పాటు ఈయన కూడా మంచి కామెడీ చేస్తున్నాడు. మరీ ముఖ్యంగా జూనియర్ రాఘవేంద్రరావుగా మనోడికి మంచి పేరుంది. దాంతో పాటు సినిమాలు కూడా బానే చేస్తున్నాడు. ప్రస్తుతానికి ఇతడి కెరీర్ బాగానే వెళ్తుంది.
ఈ నటుడు వాటం.. తెల్లగడ్డం చూసాక వయసు చాలా ఎక్కువగా ఉంటుంది.. ఎప్పుడో 30 ఏళ్ల కిందే ఇండస్ట్రీకి వచ్చుంటాడు.. వయసు కూడా 60కి చేరువలో ఉంటుంది ఇలా రకరకాలుగా అనుకుంటారు. కానీ జబర్దస్త్ నవీన్ వయసు తెలిస్తే మాత్రం నిజంగానే షాకవుతారు. మనోడు కనీసం 45 కూడా దాటలేదంటే నమ్మడం కాస్త కష్టమే అయినా సరే, ఇది నిజం. 2020కి నవీన్ వయసు 43 మాత్రమే. మరి లుక్ చూస్తుంటే మాత్రం 60లా ఉంటాడు. 1997లో ఇండస్ట్రీకి వచ్చిన ఈ నటుడు ఆ తర్వాత కొన్ని సినిమాల్లో నటించాడు. అప్పట్లో జూనియర్ ఎన్టీఆర్ సినిమాల్లో నటించానని.. ఆది, నాగ లాంటి సినిమాల్లో చేసానని గుర్తు చేసుకున్నాడు.
అప్పట్లో ఫుల్ జుట్టుతో, సూపర్ హెయిర్ స్టైల్తో నిజంగానే నవీన్ హీరోలా ఉన్నాడు. ఆ లుక్ ఉన్నపుడు ఇతడిని ఎవరూ పెద్దగా గుర్తు పట్టలేదు. కానీ చాలా తక్కువ సమయంలోనే ఉన్న వెంట్రుకలన్నీ ఊడిపోయానని కామెడీగా చెబుతున్నాడు. జుట్టు పోయింది, అవకాశాలు రావడం లేదనే బాధతో గడ్డం పెంచానని, అప్పుడు ఛాన్స్ లు రావడం మొదలుపెట్టాయని చెప్పుకొచ్చాడు. తన తెల్లగడ్డం చూసి అందరూ రిటైర్మెంట్ వయసుకు వచ్చేసాడని అనుకుంటున్నారని.. కనీసం తనకు 45 కూడా లేవని చెప్పుకొచ్చాడు. తాతలా కనిపించే నవీన్ వయసు కేవలం 43 మాత్రమే అని చెబితే కొంచెం నమ్మడం కష్టమే కానీ నిజమే కదా.