ప్రొడ్యూసర్ కి ఇల్లు కట్టించిన కృష్ణ , శ్రీదేవి…అసలు విషయం ఏమిటంటే…

Krishna And Sridevi : సూపర్ స్టార్ కృష్ణను నిర్మాతల పాలిట కల్పతరువుగా భావిస్తారు. సినిమా ఆడకపోతే రెమ్యునరేషన్ కూడా తిరిగి ఇచ్చేయడమో, మరో సినిమా ఉచితంగా చేసిపెట్టడమో చేస్తుంటారు. అయితే సొంతిల్లు కట్టుకోవాలన్న ఆశతో ఉన్న నిర్మాతకు కృష్ణ తో పాటు శ్రీదేవి, మరికొందరు కూడా సహకరించారు. దాంతో ఇల్లేంటి, అమ్మేసుకున్న పొలం కూడా తిరిగి కొనుక్కున్నారట.

ఇదేమిటి అనుకుంటున్నారా నిజం. మామా అల్లుళ్ళ సవాల్ మూవీలో కృష్ణ, శ్రీదేవి జంటగా నటించారు. ఇందులో కృష్ణ అక్క పాత్రలో జమున చేసింది. జమున భర్తగా కైకాల సత్యనారాయణ, కూతురుగా శ్రీదేవి నటించారు. అయితే ఈ చిత్ర నిర్మాత ఇల్లు కట్టుకోవాలన్న కోరిక మేరకు కృష్ణ, శ్రీదేవి, జమున, డైరెక్టర్ కె ఎస్ ఆర్ దాస్ కూడా రెమ్యునరేషన్ తగ్గించుకున్నారట.

అసలు విషయం ఏమిటంటే, సత్యనారాయణతో నాపేరే భగవాన్ అనే మూవీని కుదరవల్లి సీతారామమూర్తి అనే ప్రొడ్యూసర్ సినిమా తీశారు. సినిమా బాగున్నా సరే, నిర్మాతకు డబ్బు రాలేదు. దాంతో సొంత ఊరిలో ఇల్లు కట్టుకువాలన్న కోరిక తీరలేదు. ఈ విషయాన్ని కృష్ణకు సత్యనారాయణ చెప్పడంతో మామా అల్లుళ్ళ సవాల్ మూవీకి రెమ్యునరేషన్ తగ్గించుకున్నారు. ఇక కృష్ణ శ్రీదేవి జంటగా 31మూవీస్ చేయగా, అందులో చాలా హిట్ కావడంతో హిట్ ఫెయిర్ గా నిలిచారు.