Coconut importance:దేవుడి ముందు కొట్టిన కొబ్బరికాయ కుళ్ళితే జీవితంలో ఏం జరుగుతుంది?
Coconut importance:కొబ్బరికాయ.. హిందువులు అత్యంత పవిత్రంగా భగవంతుని పూజకు ఉపయోగించే కొబ్బరికాయ సంస్కృతిలో ఒక భాగం. కొబ్బరికాయను టెంకాయ అని, నారికేళం అని వివిధ పేర్లతో పిలుస్తారు. భగవంతుని పూజలైనా, ఇంట్లో శుభకార్యాలైనా కొబ్బరికాయ లేనిదే పూర్తి కానేరవు.
దేవుడి ముందు కొట్టిన కొబ్బరికాయ కుళ్ళితే జీవితంలో ఏం జరుగుతుంది.. కొబ్బరి కాయ, నారికేళం, టెంకాయ పిలుచుకునే పేరు ఏదైనా.. హిందు సంస్కృతిలో దీనికో ప్రముఖ స్థానం ఉంది. శుభకార్యాలు ప్రారంభించాలన్నా, పూజ చేసినా కొబ్బరి కొడుతుంటారు. సినిమా షూటింగ్లు కూడా కొబ్బరి కాయ కొట్టడంతో మొదలై గుమ్మడి కాయ కొట్టడంతో ముగుస్తాయి.
పండగ రోజు కొబ్బరి కాయ, పుష్పం, ఫలం.. వీటిలో ఏదో ఒకటి భగవంతుడికి సమర్పిస్తే స్వీకరిస్తానని భగవంతుడు చెప్పాడు. అది ఎలా ఉన్నా ఫర్వాలేదు.. భక్తితో సమర్పించడమే ముఖ్యమని శ్రీ కృష్ణ భగవానుడు భవద్గీగతలో చెప్పాడు. అందుకే కొబ్బరి కాయ కొట్టినప్పుడు కుళ్లిపోయినప్పటికీ భయపడాల్సిన అవసరం లేదు.
కొబ్బరి కాయ కుళ్లిపోతే చెడు జరగడమనేది కేవలం అపోహ మాత్రమే. బాధపడాల్సిన పనేం లేదు. దిష్టి పోయిందని భావించొచ్చు. ఇప్పటికీ మీ మనసు కుదుటపడకపోతే.. కుళ్లిన కొబ్బరి కాయను పక్కనబెట్టి.. కాళ్లు, చేతులు కడిగేసుకొని తిరిగి పూజ చేయాలి.
దేవుడికి మనస్ఫూర్తిగా నమస్కరించి కొబ్బరి కాయ కొడితే.. అది సమంగా పగిలితే మనం కోరుకున్న కోరిక నెరవేరుతుందని అర్థం. కొబ్బరి కాయలో పువ్వు వస్తే శుభసూచకం. అదే కొత్తగా పెళ్లయిన దంపతులకైతే త్వరలోనే సంతానం సిద్ధిస్తుందని భావించొచ్చు.
