Annadata Sukhibhava: ఖాతాల్లోకి రూ. 20 వేలు.. మీ పేరు ఉందో లేదో ఇలా చెక్ చేసుకోండి..

Annadata Sukhibhava: ఖాతాల్లోకి రూ. 20 వేలు.. మీ పేరు ఉందో లేదో ఇలా చెక్ చేసుకోండి.. ఆంధ్రప్రదేశ్ ముఖ్యమంత్రి నారా చంద్రబాబు నాయుడు, కడపలోని సీకే దిన్నెలో జరిగిన తెలుగుదేశం పార్టీ (టీడీపీ) వార్షిక మహానాడు 2025 సభలో అన్నదాత సుఖీభవ పథకం అమలుపై ముఖ్యమైన ప్రకటనలు చేశారు.

ఈ పథకం ద్వారా రైతులకు ఏటా మూడు విడతలలో రూ.20,000 ఆర్థిక సహాయం అందించనున్నట్లు తెలిపారు. ప్రధానమంత్రి కిసాన్ సమ్మాన్ నిధి (పీఎం కిసాన్)తో సమన్వయం చేస్తూ, కేంద్రం నుంచి రూ.6,000తో పాటు రాష్ట్రం అదనంగా రూ.14,000 అందజేస్తుందని వెల్లడించారు.

పీఎం కిసాన్ కింద కేంద్రం రూ.2,000 విడత విడుదల చేసినప్పుడు, అన్నదాత సుఖీభవ ద్వారా రాష్ట్రం రూ.5,000 జమ చేస్తుందని, దీంతో రైతులకు ఒక్కో విడతలో రూ.7,000, సంవత్సరానికి మొత్తం రూ.20,000 అందుతుందని సీఎం వివరించారు.

2025 మేలో పీఎం కిసాన్ తొలి విడత నిధులు విడుదలైతే, అదే సమయంలో రాష్ట్రం కూడా తన వాటాను విడుదల చేస్తుందని చంద్రబాబు స్పష్టం చేశారు. ఈ విధానం రైతులకు ఆర్థిక ఊతం ఇవ్వడమే కాక, వ్యవసాయ ఖర్చులు, విత్తనాలు, ఎరువులు, సహజ విపత్తుల నష్ట పరిహారం వంటి అవసరాలను తీరుస్తుందని పేర్కొన్నారు.

2025-26 బడ్జెట్‌లో ఈ పథకం కోసం రూ.6,300 కోట్లు కేటాయించినట్లు సీఎం తెలిపారు. అర్హత కలిగిన రైతులు, కౌలు రైతులతో సహా, ఈ పథకం ప్రయోజనాలను పొందవచ్చని, అర్హుల జాబితాను వ్యవసాయ శాఖ సిద్ధం చేస్తోందని వివరించారు. పీఎం కిసాన్, రైతు భరోసా పథకాల్లో నమోదైన రైతులు మళ్లీ దరఖాస్తు చేయాల్సిన అవసరం లేకపోవచ్చని సూచించారు.

మహానాడు సందర్భంగా, రైతుల జీవనోపాధిని మెరుగుపరచడం, వ్యవసాయ రంగాన్ని బలోపేతం చేయడం తమ ప్రభుత్వ లక్ష్యమని చంద్రబాబు పునరుద్ఘాటించారు. ఈ పథకం రైతులకు ఆర్థిక స్థిరత్వం, వ్యవసాయ ఆధునికీకరణకు దోహదపడుతుందని ఆశాభావం వ్యక్తం చేశారు.

మీ పేరు ఉందొ? లేదో? ఇంటిలోనే సొంతంగా చెక్ చేసుకోండి: https://annadathasukhibhava.ap.gov.in/know-your-status

గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.