AP ASHA Worker Jobs 2025: గ్రామీణ మహిళలకు శుభవార్త.. ఈ అవకాశాన్ని మిస్ చేసుకోకండి
ఆంధ్రప్రదేశ్ గ్రామీణ మహిళలకు సంతోషకరమైన వార్త! రాష్ట్ర వైద్య, ఆరోగ్య శాఖ ఆశా వర్కర్ల నియామకం కోసం నోటిఫికేషన్ జారీ చేసింది. అర్హత కలిగిన మహిళా అభ్యర్థులు జూన్ 30, 2025లోపు సంబంధిత మెడికల్ ఆఫీసర్ వద్ద అప్లికేషన్లను స్వయంగా సమర్పించాలి. ఈ నోటిఫికేషన్కు సంబంధించిన మరిన్ని వివరాలు ఇక్కడ తెలుసుకుందాం.
గ్రామీణ ప్రాంతాల్లో ఆశా వర్కర్ల (అక్రెడిటెడ్ సోషల్ హెల్త్ యాక్టివిస్ట్) నియామకం కోసం ఆంధ్రప్రదేశ్ వైద్య, ఆరోగ్య శాఖ నోటిఫికేషన్ విడుదల చేసింది. ఈ నోటిఫికేషన్ ద్వారా అన్నమయ్య జిల్లాలో మొత్తం 1,294 పోస్టులను భర్తీ చేయనున్నారు.
గ్రామీణ ప్రాంతాల్లో నివసించే మహిళలు, ప్రాథమిక ఆరోగ్య సేవలు అందించేందుకు ఆసక్తి ఉన్నవారు మాత్రమే ఈ పోస్టులకు అర్హులు. అభ్యర్థులు తమ గ్రామానికి చెందినవారని నిరూపించే నివాస ధ్రువీకరణ పత్రం, గుర్తింపు పొందిన స్కూలు నుంచి 10వ తరగతి ఉత్తీర్ణత సర్టిఫికేట్ను అప్లికేషన్తో జతచేయాలి.
అభ్యర్థులు మెరుగైన నైపుణ్యాలు కలిగి ఉండాలి మరియు వయస్సు 25 నుంచి 45 సంవత్సరాల మధ్య ఉండాలి. రిజర్వేషన్ వర్గాలకు వయోపరిమితిలో సడలింపు ఉంటుంది.
ఆసక్తి ఉన్న మహిళా అభ్యర్ధులు నోటిఫికేషన్లో ఇచ్చిన అప్లికేషన్ ఫారమ్ను డౌన్లోడ్ చేసుకుని, పాస్పోర్ట్ సైజు ఫోటో, నివాస ధ్రువీకరణ పత్రం, విద్యార్హత పత్రాలు, ఆధార్ కార్డు, తల్లిదండ్రుల వివరాలు, చిరునామా వివరాలతో సహా సంబంధిత మెడికల్ ఆఫీసర్కు జూన్ 30లోపు స్వయంగా సమర్పించాలి. ఎంపికైన అభ్యర్థులకు శిక్షణ ఇవ్వబడుతుంది, మరియు ప్రతి గ్రామానికి ఒక ఆశా వర్కర్గా పోస్టింగ్ ఇవ్వబడుతుంది. శిక్షణ తర్వాత వెంటనే విధులు ప్రారంభించాలి.