PM KISAN-అన్నదాత సుఖీభవ పథకంపై ఏపీ ప్రభుత్వం కీలక అప్ డేట్..
PM KISAN-అన్నదాత సుఖీభవ పథకంపై ఏపీ ప్రభుత్వం కీలక అప్ డేట్.. ఆంధ్రప్రదేశ్ ప్రభుత్వం అన్నదాత సుఖీభవ పథకం కింద దరఖాస్తుదారులు అర్హత స్థితిని తెలుసుకునేందుకు అధికారిక వెబ్సైట్లో స్టేటస్ లింక్ను సక్రియం చేసింది.
ఈ లింక్ ద్వారా రైతులు తమ దరఖాస్తు స్థితి, eKYC ప్రక్రియ పూర్తయిందా లేదా, అలాగే పథకానికి అర్హత ఉందా లేదా అనే వివరాలను తెలుసుకోవచ్చు. రైతులు తమ ఆధార్ కార్డు వివరాలను నమోదు చేసి సబ్మిట్ చేస్తే, స్క్రీన్పై దరఖాస్తు స్థితి ప్రదర్శితమవుతుంది.
అన్నదాత సుఖీభవ పథకం – ఒక అవలోకనం
ఆంధ్రప్రదేశ్ ప్రభుత్వం అమలు చేస్తున్న ప్రతిష్టాత్మక పథకాల్లో అన్నదాత సుఖీభవ ఒకటి. ఈ పథకం కింద రైతుల ఖాతాల్లో నగదు జమ చేసేందుకు ప్రభుత్వం కసరత్తు చేస్తోంది. జూన్లో లబ్ధిదారుల ఖాతాల్లో నిధులు జమ చేస్తామని ప్రకటించినప్పటికీ, తల్లికి వందనం పథకం కింద మాత్రమే నిధులు జమ అయ్యాయి. ఖరీఫ్ పంట సీజన్ సమీపిస్తున్న నేపథ్యంలో, ప్రభుత్వం త్వరలోనే అన్నదాత సుఖీభవ పథకం నిధులను విడుదల చేయనుంది. ఈ నెలలో అన్నదాత సుఖీభవ మొదటి విడతగా మొత్తం రూ. 7,000/- రైతుల ఖాతాల్లో నేరుగా జమ చేయనుంది.
నిధుల జమ – మూడు విడతల్లో
పీఎం కిసాన్ మరియు అన్నదాత సుఖీభవ పథకాల కింద నిధులు మూడు విడతల్లో రైతుల ఖాతాల్లో జమ చేయబడతాయి:
– మొదటి విడత: జూలై 2025లో రూ. 7,000/-
– రెండవ విడత: నవంబర్ 2025లో రూ. 7,000/-
– మూడవ విడత: జనవరి 2026లో రూ. 6,000/-
ఈ మూడు విడతల్లో మొత్తం రూ. 20,000/- రైతుల ఖాతాల్లో నేరుగా జమ చేయబడతాయి.
అప్లికేషన్ స్టేటస్ ఎలా చెక్ చేసుకోవాలి?
1. అన్నదాత సుఖీభవ అధికారిక వెబ్సైట్ను సందర్శించండి.
2. హోం పేజీలోని Know Your Status ఆప్షన్పై క్లిక్ చేయండి.
3. ఆధార్ నంబర్ను నమోదు చేయండి.
4. పక్కన ఉన్న క్యాప్చా కోడ్ను ఎంటర్ చేసి, సబ్మిట్ బటన్పై క్లిక్ చేయండి.
5. స్క్రీన్పై లబ్ధిదారుడి వివరాలు, అర్హత స్థితి, మరియు eKYC పూర్తయిందా లేదా అనే సమాచారం ప్రదర్శితమవుతుంది.
– Eligible’ అని చూపిస్తే, రైతు ఖాతాలో నిధులు జమ అవుతాయి.
– Ineligible’ అని చూపిస్తే, సమీప గ్రామ/వార్డు సచివాలయంలో వివరాలు తెలుసుకుని మళ్లీ దరఖాస్తు చేయాలి.
eKYC ఎలా చెక్ చేసుకోవాలి?
అన్నదాత సుఖీభవ పథకం కోసం eKYC తప్పనిసరి. దీని కోసం:
1. అధికారిక వెబ్సైట్ https://pmkisan.gov.in/ ను తెరవండి.
2. eKYC ఆప్షన్పై క్లిక్ చేయండి.
3. ఆధార్ నంబర్ను నమోదు చేయండి.
4. ఓటీపీ వచ్చిన తర్వాత దాన్ని ఎంటర్ చేసి సబ్మిట్ బటన్పై క్లిక్ చేయండి.
5. స్క్రీన్పై eKYC Successful అని ప్రదర్శితమైతే ప్రక్రియ పూర్తైనట్లు.
ఈ పథకం ద్వారా రైతులకు ఆర్థిక సహాయం అందించడంతో పాటు, పారదర్శకతను నిర్ధారించేందుకు ప్రభుత్వం అన్ని చర్యలు తీసుకుంటోంది.
గమనిక: ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ