Business idea: వేలల్లో పెట్టుబడి పెట్టండి.. నెలకి లక్షల్లో సంపాదించే 5 బిజినెస్లు ఇవే..
Business idea: వేలల్లో పెట్టుబడి పెట్టండి.. నెలకి లక్షల్లో సంపాదించే 5 బిజినెస్లు ఇవే.. ప్రస్తుత యుగంలో బిజినెస్పై యువత ఎక్కువగా ఆసక్తి చూపిస్తున్న సంగతి అందరికీ తెలిసిందే. ప్రభుత్వ ఉద్యోగాలు అందరికీ దొరకడం కష్టం కావడంతో, చాలామంది సొంత వ్యాపారం ద్వారా ఆదాయం పొందాలని ఆలోచిస్తున్నారు.
చిన్న వ్యాపారుల నుండి కోటీశ్వరుల వరకు అందరూ బిజినెస్పై దృష్టి సారిస్తున్నారు. నిరుద్యోగ యువత కూడా తక్కువ పెట్టుబడితో లాభదాయక వ్యాపారాల వైపు మొగ్గు చూపుతోంది. వేల రూపాయల పెట్టుబడితో నెలకు లక్షల రూపాయలు సంపాదించే అవకాశం ఉన్న కొన్ని బిజినెస్ ఆలోచనలను ఇక్కడ చూద్దాం.
ప్రపంచవ్యాప్తంగా యువత సొంత వ్యాపారాలపై ఆసక్తి చూపుతోంది. తమ స్వంత కాళ్లపై నిలబడాలనే ఆలోచనతో, చిన్న పెట్టుబడితో పెద్ద లాభాలు ఆర్జించే వ్యాపారాలను ఎంచుకుంటున్నారు. కేవలం సరైన ఆలోచన, అంకితభావం, పట్టుదల ఉంటే వేలల్లో పెట్టుబడి పెట్టి లక్షలు సంపాదించవచ్చు. అలాంటి కొన్ని బిజినెస్ ఆలోచనలు ఇవిగో:
1. డిజిటల్ మార్కెటింగ్ & కంటెంట్ క్రియేషన్
ప్రస్తుతం డిజిటల్ యుగం నడుస్తోంది. YouTube, Instagram, బ్లాగింగ్, డిజిటల్ మార్కెటింగ్లకు డిమాండ్ విపరీతంగా పెరిగింది. వీడియోలు తీయడం, ఎడిటింగ్, రాయడం, డిజైనింగ్లో నైపుణ్యం ఉంటే మీ సృజనాత్మకతను వినియోగించుకోవచ్చు. మీ ఫోన్తోనే కంటెంట్ సృష్టించడం ప్రారంభించవచ్చు. వీడియో ఎడిటింగ్, ఇంటర్నెట్ ఖర్చుల కోసం రూ.10,000 పెట్టుబడి సరిపోతుంది. నాణ్యమైన కంటెంట్తో ముందుకెళితే మొదటి నెలలో రూ.15,000 నుండి రూ.50,000 వరకు సంపాదించవచ్చు. బ్రాండ్గా ఎదిగితే నెలకు లక్షల్లో ఆదాయం సంపాదించే అవకాశం ఉంది.
2. వెడ్డింగ్ ప్లానింగ్
భారతదేశంలో, ముఖ్యంగా తెలుగు రాష్ట్రాలలో, పెళ్లిళ్లు మరియు ఫంక్షన్ల కోసం లక్షల రూపాయలు ఖర్చు చేయడం సర్వసాధారణం. ప్రొఫెషనల్ వెడ్డింగ్ ప్లానర్లను నియమించే ధోరణి పెరిగింది. చిన్న ఈవెంట్ ప్లానింగ్తో మొదలుపెట్టి, కేటరింగ్, ఫ్లోరల్ డెకరేషన్, వెన్యూ బుకింగ్ వంటి సేవలను అందిస్తే ఒక్క ఈవెంట్కు రూ.50,000 నుండి రూ.2 లక్షల వరకు సంపాదించవచ్చు. నెట్వర్క్ను విస్తరించడం ద్వారా ఈ ఆదాయం మరింత పెరుగుతుంది.
3. హోమ్ ఫుడ్ & బేకరీ బిజినెస్
ఇంట్లో తయారుచేసిన ఆహారానికి డిమాండ్ రోజురోజుకూ పెరుగుతోంది. టిఫిన్లు, పచ్చళ్లు, కేక్లు, కుకీలు వంటివి కొనుగోలు చేసే వారి సంఖ్య గణనీయంగా పెరిగింది. రూ.5,000 నుండి రూ.10,000 పెట్టుబడితో ఇంటి నుండే టిఫిన్ సర్వీస్ లేదా బేకరీ ఉత్పత్తులను ప్రారంభించవచ్చు. సోషల్ మీడియా, వాట్సాప్ గ్రూపుల ద్వారా కస్టమర్లను సంపాదించవచ్చు. ఈ విధంగా నెలకు రూ.20,000 నుండి రూ.1 లక్ష వరకు ఆదాయం పొందవచ్చు.
4. ఫిట్నెస్ & యోగా కోచింగ్
కోవిడ్ తర్వాత ఆరోగ్యంపై అందరూ ఎక్కువ శ్రద్ధ చూపుతున్నారు. యోగా మరియు ఫిట్నెస్ శిక్షణకు పెద్ద నగరాల్లో గిరాకీ పెరిగింది. ఫిట్నెస్పై ఆసక్తి ఉంటే, ప్రాథమిక శిక్షణ తీసుకుని సర్టిఫికేషన్తో స్థానికంగా లేదా ఆన్లైన్లో క్లాసులు ప్రారంభించవచ్చు. ఈ విధంగా నెలకు రూ.50,000 నుండి రూ.1 లక్ష వరకు సంపాదించే అవకాశం ఉంది.
5. అగరబత్తి & క్యాండిల్ తయారీ
పండుగల సీజన్లో అగరబత్తులు, క్యాండిల్స్కు డిమాండ్ ఎక్కువగా ఉంటుంది. ఈ వ్యాపారం తక్కువ పెట్టుబడితో ప్రారంభించవచ్చు. రూ.5,000 నుండి రూ.20,000 పెట్టుబడితో మిషనరీ మరియు ముడి సరుకులతో మొదలుపెట్టవచ్చు. ఉత్పత్తులను స్థానిక మార్కెట్లో లేదా ఆన్లైన్ ప్లాట్ఫామ్లలో విక్రయించడం ద్వారా నెలకు రూ.30,000 నుండి రూ.1 లక్ష వరకు సంపాదించవచ్చు.
గమనిక: ఈ సమాచారం కేవలం అవగాహన కోసం మాత్రమే. పూర్తి వివరాల కోసం ఆర్థిక నిపుణులను సంప్రదించండి. ఇది ఎటువంటి ఇన్వెస్ట్మెంట్ లేదా బిజినెస్ సిఫార్సు కాదు.