August holidays 2025:విద్యార్థులకు ఆగస్టులో సెలవుల సందడి… పండుగలతో ఆనందం
August holidays 2025: విద్యార్థులకు ఆగస్టులో సెలవుల సందడి… పండుగలతో ఆనందం..శ్రావణ మాసం అంటేనే పండుగల సమాహారం. ఈ మాసం హరిహరులకు, లక్ష్మీదేవికి, ఈశ్వరుడికి అత్యంత ప్రీతికరం.
ఆగస్టు నెలలో పండుగలతో పాటు సెలవులు కూడా వరుసగా వస్తాయి, ముఖ్యంగా విద్యార్థులకు ఇది పండగలాంటి నెలే! ఆగస్టు మొదటి వారం నుంచే సెలవులు షురూ అవుతాయి. ఈ నెలలో దాదాపు 6 రోజులకు పైగా సెలవులు ఉంటాయి. ఏ రోజున ఏ పండుగ, ఎందుకు సెలవు వస్తుందో ఇప్పుడు తెలుసుకుందాం.
ఆగస్టు 3 (ఆదివారం): వారాంతం కావడంతో సెలవు రోజు. విద్యాసంస్థలకు సాధారణ సెలవు.
ఆగస్టు 8 (శుక్రవారం) – వరలక్ష్మీ వ్రతం: ఈ రోజు తెలుగు రాష్ట్రాల్లో ఆడపడుచులు భక్తిశ్రద్ధలతో లక్ష్మీదేవిని పూజిస్తారు. తెలంగాణ, ఆంధ్రప్రదేశ్ ప్రభుత్వాలు ఈ రోజు ఐచ్ఛిక సెలవు (ఆప్షనల్ హాలిడే) ప్రకటించాయి. కొన్ని స్కూళ్లు, కాలేజీలు సెలవు ఇస్తాయి.
ఆగస్టు 9 (శనివారం) – రెండో శనివారం & రాఖీ పండగ: ప్రతి నెల రెండో శనివారం విద్యాసంస్థలకు సెలవు. అదే రోజు రాఖీ పండగ కూడా ఉంది. తెలుగు రాష్ట్రాల్లో ఈ రోజు కూడా ఐచ్ఛిక సెలవు ఉంటుంది.
ఆగస్టు 10 (ఆదివారం): దేశవ్యాప్తంగా సాధారణ సెలవు రోజు.
ఆగస్టు 11-14 – స్వాతంత్య్ర దినోత్సవ సన్నాహాలు: ఈ రోజుల్లో స్కూళ్లు, కాలేజీల్లో స్వాతంత్య్ర దినోత్సవ వేడుకల కోసం రిహార్సల్స్, ఆటల పోటీలు, నృత్య పోటీలు జరుగుతాయి. క్లాసులు పెద్దగా ఉండవు, విద్యార్థులు ఈ కార్యక్రమాల్లో బిజీగా ఉంటారు.
ఆగస్టు 15 (శుక్రవారం) – స్వాతంత్య్ర దినం: జాతీయ పండుగ సందర్భంగా జెండా ఎగురవేత తర్వాత స్కూళ్లు, కాలేజీలకు సెలవు ప్రకటిస్తారు.
ఆగస్టు 16 (శనివారం) – శ్రీకృష్ణాష్టమి: శ్రీకృష్ణుడి జన్మదినాన్ని దేశవ్యాప్తంగా కృష్ణాష్టమి, గోకులాష్టమిగా జరుపుకుంటారు. తెలుగు రాష్ట్రాల్లో పిల్లలను కృష్ణుడు, గోపికల వేషాల్లో అలంకరించి ఉట్టి కొట్టే వేడుకలు సందడిగా జరుగుతాయి. స్కూళ్లు, కాలేజీలు, కార్యాలయాలకు సెలవు ఉంటుంది.
ఆగస్టు 17 (ఆదివారం): సాధారణ వారాంత సెలవు.
ఇలా ఆగస్టు నెల విద్యార్థులకు సెలవులతో సందడిగా ఉంటుంది. చదువుల ఒత్తిడి నుంచి కాస్త విశ్రాంతి తీసుకుని, పండుగల సంబరాల్లో పాల్గొనే అవకాశం వస్తుంది. విద్యార్థులు ఈ సెలవులను సద్వినియోగం చేసుకుని ఆనందించండి!
గమనిక:ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ