PM Kisan Yojana: కేంద్ర ప్రభుత్వం రైతులకు అందిస్తున్న 8 రకాల స్కీముల గురించి వివరంగా..
PM Kisan Yojana: కేంద్ర ప్రభుత్వం రైతులకు అందిస్తున్న 8 రకాల స్కీముల గురించి వివరంగా.. పీఎం కిసాన్ యోజన డబ్బులు రైతుల ఖాతాల్లో జమ అయ్యాయి. అయితే, కేంద్ర ప్రభుత్వం కేవలం పీఎం కిసాన్ యోజనతోనే కాకుండా, రైతుల ఆదాయాన్ని రెట్టింపు చేసేందుకు అనేక పథకాలను ప్రవేశపెట్టింది.
ఈ పథకాలు వ్యవసాయాన్ని ప్రోత్సహించడంతో పాటు రైతులకు ఎంతగానో ఉపయోగపడుతున్నాయి. ఇప్పుడు ఈ పథకాల గురించి తెలుసుకుందాం. ముఖ్యంగా కేంద్ర ప్రభుత్వం ప్రవేశపెట్టిన 8 వ్యవసాయ పథకాల వివరాలను చూద్దాం.
ప్రధాన్ మంత్రి కిసాన్ మాన్ధన్ యోజన (PM-KMY): ఈ పథకం కింద రైతులకు వృద్ధాప్యంలో పెన్షన్ అందిస్తారు. 18 నుంచి 40 సంవత్సరాల వయస్సు గల రైతులు నెలకు 55 నుంచి 2000 రూపాయలు చెల్లించాలి. 60 ఏళ్ల తర్వాత నెలకు 3000 రూపాయల పెన్షన్ అందుతుంది. ఈ పథకాన్ని ఎల్ఐసీ ద్వారా నిర్వహిస్తారు.
ప్రధాన్ మంత్రి ఫసల్ బీమా యోజన (PMFBY): ఈ స్కీం ద్వారా పంట నష్టాలకు బీమా కవరేజీ అందుతుంది. విత్తనం నాటడం నుంచి కోత వరకు జరిగే నష్టాలకు బీమా సౌకర్యం ఉంటుంది. ఇప్పటివరకు ఈ పథకం కింద దాదాపు 1.5 లక్షల కోట్ల రూపాయల క్లెయిమ్లు చెల్లించారు.
వడ్డీ సబ్సిడీ పథకం (Modified Interest Subvention Scheme – ISS): ఈ పథకం కింద రైతులకు 7% వడ్డీ రేటుతో రుణాలు అందిస్తారు, అందులో 3% వడ్డీ మాఫీ ఉంటుంది. అంటే, నికరంగా 4% వడ్డీతో రుణాలు లభిస్తాయి.
వ్యవసాయ మౌలిక సదుపాయాల నిధి (AIF): ఆత్మ నిర్భర్ భారత్ ప్యాకేజీలో భాగంగా రైతులకు 1 లక్ష కోట్ల రూపాయల వరకు రుణాలు అందిస్తున్నారు. ఇందులో 3% వడ్డీ రాయితీ కూడా ఉంటుంది.
కొత్త 10,000 రైతు ఉత్పత్తిదారుల సంఘాల స్థాపన (FPOs): ఈ పథకం ద్వారా రైతులకు 2 కోట్ల రూపాయల వరకు రుణం అందే అవకాశం ఉంది.
జాతీయ తేనెటీగల పెంపకం & తేనె మిషన్ (NBHM): తేనె ఉత్పత్తిని పెంచేందుకు శాస్త్రీయ పద్ధతుల్లో తేనెటీగల పెంపకాన్ని ప్రోత్సహించేందుకు ఈ పథకం ప్రారంభించారు. దీని కింద హనీ టెస్టింగ్ ల్యాబ్లు, మినీ ల్యాబ్లు ఏర్పాటు చేశారు.
ధరల మద్దతు పథకం (PSS): ఈ పథకం ద్వారా పండించిన పంటలకు మద్దతు ధరలను నిర్ధారించి, రైతులకు ధరల నియంత్రణపై సూచనలు అందిస్తారు.
నమో డ్రోన్ దిదీ పథకం: ఈ స్కీం కింద మహిళలు మరియు మహిళా గ్రూపులకు 15,000 డ్రోన్లను 80% సబ్సిడీతో అందిస్తున్నారు. ఈ డ్రోన్లను వ్యవసాయ పనుల కోసం ఉపయోగించవచ్చు.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ