Vinayaka Chavithi 2025 Date : వినాయక చవితి పండుగ ఎప్పుడు వచ్చింది..సమయం..?

Vinayaka Chavithi 2025 Date : వినాయక చవితి పండుగ ఎప్పుడు వచ్చింది..సమయం.. ప్రతి సంవత్సరం భాద్రపద మాసం శుక్ల పక్ష చతుర్థి తిథి నాడు వినాయక చవితి వస్తుంది. ఈ పండుగను అనంత చతుర్దశి వరకు జరుపుకుంటారు. గణపతిని భాద్రపద మాసం మొత్తం భక్తితో పూజిస్తారు.

వినాయకుడిని నియమ నిష్ఠలతో పూజిస్తే సకల శుభాలు కలుగుతాయని నమ్మకం. హిందూ క్యాలెండర్ ప్రకారం, 2025లో వినాయక చవితి ఆగస్టు 27, బుధవారం నాడు ప్రారంభమై, సెప్టెంబర్ 6, శనివారం నాడు వినాయక నిమజ్జనంతో ముగుస్తుంది. ఈ పండుగను సుమారు 10 లేదా 11 రోజుల పాటు ఘనంగా జరుపుకుంటారు. ఈ సమయంలో భక్తులు ప్రతిరోజూ పూజలు, భజనలు చేస్తూ ఆనందంగా గడుపుతారు.

వినాయకుడు విఘ్నాలను తొలగించి, అదృష్టం మరియు శ్రేయస్సును ప్రసాదించే దేవుడిగా పూజలు అందుకుంటాడు. ఆయన ఆశీస్సులు ఉంటే ఏ పనైనా సజావుగా సాగుతుందని, ఎలాంటి ఆటంకాలు ఎదురవవని భక్తుల నమ్మకం. అందుకే శుభకార్యాలు, వ్యాపార ప్రారంభం, గృహప్రవేశం వంటి సందర్భాలలో మొదట వినాయకుడినే పూజిస్తారు. వినాయక చవితి కేవలం పూజ కాదు, ఇంటింటా ఆనందంగా, పవిత్రంగా జరుపుకునే గొప్ప పండుగ.

వినాయకుడికి సమర్పించాల్సినవి
వినాయకుడి పూజ కోసం ఇంట్లో ఇత్తడి, రాగి లేదా చెంబుతో చేసిన కలశానికి పసుపు రాయండి. దానిపై రవిక, కొబ్బరికాయను ఉంచండి. దీపాలు వెలిగించి, అగర్బత్తులు వేయండి. గణపతిని 21 రకాల ఆకులతో, గరికతో అలంకరించి పూజించండి. నైవేద్యంగా మోదకాలు, ఉండ్రాళ్లు, అటుకులు, కొబ్బరికాయలు, పండ్లు సమర్పించండి. ఆ తర్వాత, శుద్ధమైన మనస్సుతో గణేశ అష్టోత్తర శతనామావళిని పఠించండి.

వినాయక పూజ తర్వాత ఏం చేయాలి?
నిష్ఠగా పూజించిన తర్వాత, వినాయక వ్రత కథను తప్పక చదవండి లేదా వినండి. ఆ తర్వాత దేవుడికి హారతి ఇచ్చి, ప్రసాదాన్ని స్వీకరించండి. పది రోజుల పాటు నిష్ఠగా పూజలు చేసి, సెప్టెంబర్ 6న వినాయక నిమజ్జనం జరుపుతారు. వినాయక చవితిని తెలుగు రాష్ట్రాలతో పాటు కర్ణాటక, మహారాష్ట్ర, తమిళనాడు, గోవా రాష్ట్రాల్లో కూడా ఘనంగా జరుపుకుంటారు.