Hair Growth Tips:కరివేపాకుతో ఇలా చేస్తే.. నల్లగా మెరిసే జుట్టు మీ సోంతం
Hair Growth Tips:కరివేపాకుతో ఇలా చేస్తే.. నల్లగా మెరిసే జుట్టు మీ సోంతం.. కరివేపాకు వంటలకు మాత్రమే కాదు, మన ఆరోగ్యానికి, అందానికి కూడా ఎంతగానో ఉపయోగపడుతుంది. మీకు తెలుసా? కరివేపాకుతో నూనె తయారు చేసి జుట్టుకు రాస్తే, జుట్టు ఒత్తుగా, దృఢంగా పెరుగుతుంది మరియు జుట్టు రాలడం కూడా తగ్గుతుంది.
కరివేపాకు నూనె
ఆడవాళ్లు సాధారణంగా పొడవైన, ఆకర్షణీయమైన జుట్టు కోరుకుంటారు. పొడవైన జుట్టు అందాన్ని మరింత పెంచుతుంది. అయితే, ఈ రోజుల్లో కాలుష్యం, ఒత్తిడి, అనారోగ్యకరమైన ఆహారపు అలవాట్ల వల్ల చాలా మంది జుట్టు రాలడం వంటి సమస్యలను ఎదుర్కొంటున్నారు.
ఈ సమస్యలను తగ్గించడానికి, జుట్టుకు బలం చేకూర్చే నూనెలను ఉపయోగించాలని నిపుణులు సూచిస్తున్నారు. అందులో కరివేపాకు నూనె ఒక అద్భుతమైన ఎంపిక, ఇది జుట్టు రాలడాన్ని తగ్గించి, జుట్టును ఒత్తుగా, పొడవుగా పెంచడంలో సహాయపడుతుంది. ఈ నూనెను ఎలా తయారు చేయాలో ఇప్పుడు తెలుసుకుందాం.
జుట్టు పెరుగుదలకు కరివేపాకు
చాలా మంది ఆడవాళ్లు జుట్టు పొడవుగా పెరగడానికి మార్కెట్లో దొరికే ఖరీదైన నూనెలను కొనుగోలు చేస్తారు. కానీ, మన ఇంట్లోనే ఉండే కొన్ని సహజసిద్ధమైన పదార్థాలతో, ఎటువంటి ఖర్చు లేకుండా జుట్టును ఆరోగ్యవంతంగా, పొడవుగా పెంచవచ్చు. కరివేపాకు నూనె ఉపయోగిస్తే జుట్టు ఖచ్చితంగా ఆరోగ్యంగా పెరుగుతుంది.
కరివేపాకులో అమైనో ఆమ్లాలు, యాంటీఆక్సిడెంట్లు సమృద్ధిగా ఉంటాయి, ఇవి జుట్టు కుదుళ్ల నుంచి చివర్ల వరకు పనిచేసి, జుట్టు సమస్యలను తగ్గిస్తాయి. అంతేకాదు, కరివేపాకులో ప్రోటీన్లు, బీటా కెరోటిన్ వంటి పోషకాలు జుట్టు పెరుగుదలకు దోహదం చేస్తాయి. ఇంకా, ఈ నూనె జుట్టును నల్లగా, మెరిసేలా చేయడంలో కూడా సహాయపడుతుంది.
కరివేపాకు నూనె తయారీ విధానం
కరివేపాకు నూనె తయారీకి కావాల్సిన పదార్థాలు:
రెండు పిడికెడ్ల కరివేపాకు ఆకులు
200 గ్రాముల కొబ్బరి నూనె
రెండు టేబుల్ స్పూన్ల మెంతులు
ఒక ఉసిరికాయ
తయారీ విధానం:
ముందుగా కరివేపాకు ఆకులను శుభ్రంగా కడిగి, నీడలో ఆరబెట్టండి.ఒక గిన్నెలో 200 గ్రాముల కొబ్బరి నూనె పోసి, మీడియం మంట మీద వేడి చేయండి. నూనె వేడెక్కిన తర్వాత, ఆరబెట్టిన కరివేపాకు ఆకులు, మెంతులు, ఉసిరికాయను వేసి, తేలికగా వేయించండి.మిశ్రమం బాగా మరిగిన తర్వాత, నూనెను చల్లారనివ్వండి.
చల్లారిన తర్వాత, నూనెను వడగట్టి ఒక శుభ్రమైన గాజు సీసాలో నిల్వ చేయండి.అంతే, సులభంగా కరివేపాకు నూనె సిద్ధం!
కరివేపాకు నూనె ఉపయోగించే విధానం
తయారైన నూనెను గాజు సీసాలో భద్రపరచండి.
వారానికి ఒకసారి ఈ నూనెను జుట్టు కుదుళ్ల నుంచి చివర్ల వరకు బాగా పట్టించండి.
నూనె రాసిన తర్వాత, 5-10 నిమిషాల పాటు తలకు సున్నితంగా మసాజ్ చేయండి.
క్రమం తప్పకుండా ఈ విధంగా చేస్తే, కరివేపాకులోని అమైనో ఆమ్లాలు, ప్రోటీన్లు, పోషకాలు జుట్టును త్వరగా, ఆరోగ్యంగా పెరిగేలా చేస్తాయి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x
Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ