Gold Rate: బంగారం తులం రూ. 1.12 లక్షలు దాటేసింది… బంగారం ధర తగ్గే అవకాశం.. పెరిగే అవకాశం ఉందా..?

Gold Rate: బంగారం తులం రూ. 1.12 లక్షలు దాటేసింది… బంగారం ధర తగ్గే అవకాశం.. పెరిగే అవకాశం ఉందా.. బంగారం కొనాలని ప్రతి ఒక్కరూ అనుకుంటారు. పెళ్లి అయినా పేరంటం అయినా ముందుగా బంగారం కొనుగోలు చేస్తారు. ఇలా పేద,ధనిక అనే తేడా లేకుండా ప్రతి ఒక్కరూ ఎంతో కొంత బంగారాన్ని కొంటూ ఉంటారు. బంగారం అనేది సామాన్యునికి అందని ద్రాక్ష అయింది. బంగారం ధరలు రోజు రోజుకి అలా పెరుగుతూనే ఉంటున్నాయి. ఎప్పుడు తగ్గుతుందా అని ఎదురు చూసే వారు కూడా చాలా మందే ఉన్నారు.

బంగారం ధరలు చరిత్రలో ఎన్నడూ లేనంతగా పెరిగి, 10 గ్రాములకు రూ. 1.12 లక్షలు దాటాయి, అయితే ఇక్కడ నుంచి ధరలు తగ్గుతాయా లేక పెరుగుతాయా?పసిడి ధరలు రోజురోజుకూ కొత్త రికార్డులను సృష్టిస్తూ విపరీతంగా పెరుగుతున్నాయి. 24 క్యారెట్ల బంగారం 10 గ్రాములు రూ. 1.12 లక్షలు దాటగా, ఆభరణాల తయారీకి ఉపయోగించే 22 క్యారెట్ల బంగారం 10 గ్రాములు రూ. 1.02 లక్షల వద్ద ఉంది. ఈ పరిస్థితిలో, చిన్న బంగారు ఆభరణం కొనుగోలు చేయడానికి కూడా లక్షల రూపాయలు ఖర్చు చేయాల్సిన దుస్థితి నెలకొంది. ఈ ధరల పెరుగుదలతో, భవిష్యత్తులో బంగారం ధరలు తగ్గుతాయా లేక మరింత పెరుగుతాయా అనే సందేహం సామాన్యుల్లో నెలకొంది.

ఈ ధరల పెరుగుదల వెనుక అంతర్జాతీయ ఆర్థిక పరిస్థితులు ప్రధాన కారణంగా ఉన్నాయి. స్టాక్ మార్కెట్లు పతనం అవుతున్న నేపథ్యంలో, బంగారం ధరలు గణనీయంగా పెరుగుతున్నాయి. అలాగే, అమెరికన్ డాలర్ విలువ క్షీణించడం కూడా ఈ పెరుగుదలకు ఒక కారణం. అమెరికాలో ఒక ఔన్స్ (31.2 గ్రాములు) బంగారం ధర ప్రస్తుతం $3,673.95 వద్ద రికార్డు స్థాయికి చేరుకుంది.

ఆగస్టు నెలలో అమెరికా Producer Price Index (PPI) అంచనాలకు అనుగుణంగా లేకపోవడంతో, ఇన్వెస్టర్లు రాబోయే Consumer Price Index (CPI) డేటాపై ఎక్కువ దృష్టి సారిస్తున్నారు. రాయిటర్స్ సర్వే ప్రకారం, ఆగస్టు నెలలో CPI నెలవారీగా 0.3% పెరిగే అవకాశం ఉందని అంచనా వేయబడింది. CPI అంచనాలను మించితే, డాలర్ విలువ బలపడవచ్చు, దీనివల్ల బంగారం ధరలు తాత్కాలికంగా తగ్గే అవకాశం ఉందని నిపుణులు అభిప్రాయపడుతున్నారు.

అయితే, ప్రస్తుత అంతర్జాతీయ ఆర్థిక పరిస్థితుల నేపథ్యంలో, బంగారం ధరలు మరింత పెరిగే అవకాశం ఎక్కువగా ఉందని కొందరు నిపుణులు అంచనా వేస్తున్నారు.
ఈ ధరల పెరుగుదలతో, బంగారు ఆభరణాల కొనుగోళ్లు తగ్గడంతో నగల దుకాణాలు కష్టాలు ఎదుర్కొంటున్నాయి. సామాన్య ప్రజలు బంగారం కొనుగోలు చేయడానికి ఇబ్బంది పడుతున్నారు.

గమనిక: ఈ సమాచారం కేవలం అవగాహన కోసం మాత్రమే. దీనిని పెట్టుబడి లేదా వ్యాపార సలహాగా పరిగణించకూడదు. బంగారం, స్టాక్ మార్కెట్లు, మ్యూచువల్ ఫండ్స్, క్రిప్టో కరెన్సీ, రియల్ ఎస్టేట్ వంటి పెట్టుబడి సాధనాలు లాభనష్టాలకు లోనవుతాయి. పెట్టుబడి నిర్ణయాలు తీసుకునే ముందు సర్టిఫైడ్ ఆర్థిక సలహాదారులను సంప్రదించాలని సూచిస్తున్నాము. ఈ సమాచారం ఆధారంగా చేసే పెట్టుబడుల వల్ల జరిగే లాభనష్టాలకు chaipakodi ఎటువంటి బాధ్యత వహించబడదు.