Today Gold Rate:దిగొచ్చిన బంగారం ధర… ఎంత తగ్గిందో తెలుసా..?
Today Gold Rate:దిగొచ్చిన బంగారం ధర… ఎంత తగ్గిందో తెలుసా.. బంగారం ధర క్రమంగా తగ్గుతోంది. నిన్నటితో పోలిస్తే నీటి రోజు బంగారం ధరలో తగ్గుదల కనిపిస్తోంది. ఈ రోజు, సెప్టెంబర్ 26, 2025, శుక్రవారం నాటి బంగారం ధరలను ఇప్పుడు తెలుసుకుందాం.
ఈ రోజు 24 క్యారెట్ల 10 గ్రాముల బంగారం ధర రూ. 1,16,450గా, 22 క్యారెట్ల 10 గ్రాముల బంగారం ధర రూ. 1,05,300గా నమోదైంది. ఒక కేజీ వెండి ధర రూ. 1,40,340గా ఉంది. బంగారం ధరలు క్రమంగా తగ్గుతున్నట్లు గమనించవచ్చు, నిన్నటితో పోలిస్తే ఈ రోజు ధరలు తక్కువగా ఉన్నాయి. ఈ తగ్గుదలకు అంతర్జాతీయ మార్కెట్ పరిస్థితులు ప్రధాన కారణంగా చెప్పవచ్చు. డాలర్ విలువ పెరుగుతున్న నేపథ్యంలో బంగారం డిమాండ్ తగ్గుతోందని నిపుణులు అంచనా వేస్తున్నారు.
బంగారం మరియు డాలర్ విలువ మధ్య విడదీయరాని సంబంధం ఉంది. డాలర్ విలువ తగ్గినప్పుడు బంగారం ధర పెరుగుతుంది, అదే సమయంలో డాలర్ విలువ పెరిగినప్పుడు బంగారం ధర తగ్గుతుంది. దీనికి కారణం, అమెరికా జారీ చేసే ట్రెజరీ బాండ్లలో పెట్టుబడులు డాలర్ విలువ తగ్గినప్పుడు తగ్గిపోతాయి. ఇన్వెస్టర్లు బంగారాన్ని సురక్షిత పెట్టుబడిగా భావించి దానిలో ఎక్కువగా పెట్టుబడి పెడతారు, ఫలితంగా బంగారం డిమాండ్ పెరిగి ధర పెరుగుతుంది. అదే సమయంలో, డాలర్ విలువ తగ్గడంతో ట్రెజరీ బాండ్లలో పెట్టుబడి పెట్టే వారి సంఖ్య తగ్గుతుంది.
బంగారం ధర భారీగా పెరిగిన నేపథ్యంలో, పసిడి ఆభరణాలు కొనుగోలు చేసే వారి సంఖ్య గణనీయంగా తగ్గింది. ప్రస్తుతం ఫెస్టివల్ సీజన్ నడుస్తున్నప్పటికీ, ఆభరణాల కొనుగోలు చేసే వారి సంఖ్య చాలా తక్కువగా ఉందని నగల షాపు యజమానులు వాపోతున్నారు.
మరోవైపు, బంగారం ధరలతో పాటు వెండి ధర కూడా రికార్డు స్థాయిలో పెరుగుతోంది. ఒక కేజీ వెండి ధర ప్రస్తుతం రూ. 1.40 లక్షలకు చేరుకుంది. వెండి ధర పెరగడానికి ప్రధాన కారణం ఇండస్ట్రియల్ డిమాండ్ పెరగడమేనని నిపుణులు చెబుతున్నారు. వెండిని ఎక్కువగా ఎలక్ట్రిక్ వాహనాల తయారీలో ఉపయోగిస్తున్నారు. ఎలక్ట్రిక్ వాహనాల డిమాండ్ పెరిగే కొద్దీ వెండి డిమాండ్ కూడా గణనీయంగా పెరుగుతోంది.
గత మూడు నెలల్లో వెండి ధర సుమారు 30% పెరిగినట్లు గమనించవచ్చు. భవిష్యత్తులో వెండి ధర మరింత పెరిగే అవకాశం ఉందని నిపుణులు అంచనా వేస్తున్నారు. అదే సమయంలో, వెండిలో పెట్టుబడి పెట్టే వారి సంఖ్య కూడా గణనీయంగా పెరుగుతోంది. బంగారంతో పాటు వెండిలో కూడా ETF బాండ్లలో పెట్టుబడులు పెరుగుతున్నాయి.