Karthika Masam 2025:కార్తీకమాసం ఎప్పటి నుంచి ఎప్పటి వరకు.. తులసి పూజ ఎలా చేయాలి?

Karthika Masam 2025:కార్తీకమాసం ఎప్పటి నుంచి ఎప్పటి వరకు.. తులసి పూజ ఎలా చేయాలి.. హిందూ పంచాంగం ప్రకారం, కార్తీక మాసం దీపావళి పండగ తర్వాత ప్రారంభమవుతుంది. ఈ సంవత్సరం, 2025లో, కార్తీక మాసం అక్టోబర్ 22వ తేదీ నుండి నవంబర్ 20వ తేదీ వరకు కొనసాగుతుంది.

ఈ మాసం అత్యంత పవిత్రమైనదిగా పరిగణించబడుతుంది. ఈ సమయంలో భక్తులు శివుడు, విష్ణుమూర్తి, లక్ష్మీదేవిని భక్తిశ్రద్ధలతో పూజిస్తారు. ఉపవాసాలు, ప్రత్యేక పూజలు, కార్తీక స్నానాలు ఆచరించడం ద్వారా పాపాలు తొలగిపోతాయని నమ్ముతారు. శివాలయాలు శివనామస్మరణతో మారుమోగుతాయి.

తులసి పూజ ఎలా చేయాలి?
కార్తీక మాసంలో తులసి పూజకు విశేష ప్రాధాన్యత ఉంది. ఈ పూజను ఉదయం సూర్యోదయానికి ముందు లేదా సాయంత్రం సూర్యాస్తమయం తర్వాత చేయాలి. తులసి మొక్క వద్ద దీపారాధన చేయడం శుభప్రదం. ఈశాన్య దిశలో దీపం వెలిగించి, నెయ్యి లేదా నువ్వుల నూనెతో దీపాన్ని వెలిగించాలి. ఈ సమయంలో కింది మంత్రాన్ని జపించాలి:
“శుభం కరోతి కల్యాణం, ఆరోగ్యం ధనసంపద, శత్రుబుద్ధి వినాశాయ దీపజ్యోతిర్ నమోస్తుతే”

తులసి కోట వద్ద, దేవాలయాల్లో లేదా ఉసిరి చెట్టు కింద దీపం వెలిగించడం వల్ల సానుకూల శక్తి, ఆర్థిక సౌభాగ్యం, సుఖసంతోషాలు లభిస్తాయని నమ్ముతారు. కొందరు పౌర్ణమి రోజున మాత్రమే దీపారాధన చేస్తారు, మరికొందరు నెల రోజులపాటు దీపం వెలిగిస్తారు.
ఇతర ముఖ్యమైన ఆచారాలు:

నదీ స్నానం: కార్తీక మాసంలో సూర్యోదయానికి ముందు నదీ స్నానం చేయడం పవిత్రమైనదిగా భావిస్తారు. స్నానం తర్వాత దీపారాధన చేయడం మరింత శుభప్రదం.దీపారాధన వల్ల ఇంట్లో సానుకూల శక్తి నింపుతుంది, ప్రతికూల శక్తులు తొలగిపోతాయని నమ్ముతారు.ఈ ఆచారాలు భక్తితో ఆచరిస్తే సకల శుభాలు కలుగుతాయని హిందూ సాంప్రదాయంలో నమ్మకం.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.