Hair fall Tips:కలబందలో ఈ ఆకుల పొడి కలిపి రాస్తే.. జుట్టు రాలడం వారంలో తగ్గుతుంది..!
Hair fall Tips:కలబందలో ఈ ఆకుల పొడి కలిపి రాస్తే.. జుట్టు రాలడం వారంలో తగ్గుతుంది.. మెంతులు, మునగాకు, కలబంద కలిపి హెయిర్ ప్యాక్ తయారు చేసి జుట్టుకు రాస్తే, వారంలోనే జుట్టు రాలడం తగ్గుతుంది. ఈ పద్ధతిని క్రమం తప్పకుండా అనుసరిస్తే, జుట్టు ఒత్తుగా, బలంగా పెరుగుతుంది. అంతేకాదు, జుట్టు రాలే సమస్య పూర్తిగా తొలగిపోతుంది.
ఈ రోజుల్లో జుట్టు రాలడం అనేది చాలా మందిని బాధిస్తున్న సమస్య. చాలా మంది తమ జుట్టు ఒకప్పుడు ఒత్తుగా ఉండేదని, కానీ ఇప్పుడు బాగా రాలిపోతోందని ఆవేదన వ్యక్తం చేస్తున్నారు. దీని కోసం మార్కెట్లో వచ్చే కొత్త నూనెలు, షాంపూలు వాడుతూ వేల రూపాయలు ఖర్చు చేస్తున్నారు. అయినా, ఫలితం లేకపోగా, జుట్టు రాలడం మరింత ఎక్కువవుతోంది. దీనికి తోడు, జ్వరం, ఆరోగ్య సమస్యలు కూడా జుట్టు దెబ్బతినడానికి కారణమవుతున్నాయి.
అయితే, సహజంగా లభించే పదార్థాలతో హెయిర్ ప్యాక్ తయారు చేసి ఉపయోగిస్తే, జుట్టు రాలడాన్ని సమర్థవంతంగా అదుపు చేయవచ్చు. ఆ హెయిర్ ప్యాక్ ఎలా తయారు చేయాలో చూద్దాం…
మెంతులు, మునగాకు, కలబందలను హెయిర్ కేర్లో ఎప్పటి నుంచో వాడుతున్నాం. ఈ మూడింటినీ కలిపి ఒక హెయిర్ ప్యాక్ తయారు చేసి జుట్టుకు రాస్తే, జుట్టు అందంగా, ఆరోగ్యంగా మారుతుంది. వారానికి రెండు సార్లు ఈ ప్యాక్ను జుట్టు మొత్తానికి అప్లై చేస్తే, 7 రోజుల్లోనే జుట్టు రాలడం తగ్గినట్లు మీరు గమనించవచ్చు.
హెయిర్ ప్యాక్ తయారీ విధానం:
ఒక కప్పు నీటిలో కొన్ని మెంతులను రాత్రంతా నానపెట్టండి.మునగాకులను తీసుకొని, కొద్దిగా ఎండినట్లు అయ్యే వరకు రెండు రోజుల పాటు పక్కన పెట్టండి. తర్వాత వాటిని పొడి చేసుకోండి.నానపెట్టిన మెంతులలో మునగాకు పొడి, కలబంద గుజ్జు కలిపి, మెత్తని మిశ్రమంగా గ్రైండ్ చేయండి.ఈ హెయిర్ ప్యాక్ను జుట్టు కుదుళ్ల నుంచి చివర్ల వరకు సమానంగా రాయండి.
పదార్థాల ఔషధ గుణాలు:
మెంతులు: శరీరంలోని వేడిని తగ్గించి, జుట్టు రాలడాన్ని నియంత్రిస్తాయి. ఇందులోని ఫ్లేవనాయిడ్స్ చండ్రు, ఇన్ఫెక్షన్లను తగ్గించి, జుట్టును మృదువుగా, మెరిసేలా చేస్తాయి.
మునగాకు: ఐరన్, విటమిన్ ఏ, సి వంటి పోషకాలు జుట్టు పెరుగుదలను ప్రోత్సహిస్తాయి.
కలబంద: జుట్టును పొడిబారకుండా, ఎండిపోయినట్లు కనిపించకుండా, మృదువుగా, ఆరోగ్యంగా ఉంచుతుంది.
ఈ మూడు సహజ పదార్థాలు కలిసిన హెయిర్ మాస్క్ జుట్టును అందంగా, బలంగా మారుస్తుంది. ఉత్తమ ఫలితాల కోసం కనీసం ఒక నెల పాటు ఈ పద్ధతిని కొనసాగించండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.