Tech News: వాట్సాప్ యూజర్లకు అలర్ట్: మీ ఫోన్లో సిమ్ తీస్తే అంతే సంగతులు.. కొత్త రూల్స్ ఇవే!
Tech News: వాట్సాప్ యూజర్లకు అలర్ట్: మీ ఫోన్లో సిమ్ తీస్తే అంతే సంగతులు.. కొత్త రూల్స్ ఇవే.. మీరు రోజూ వాట్సాప్ వాడుతున్నారా? అయితే మీకు ఒక ముఖ్యమైన అప్డేట్. మార్చి 1వ తేదీ నుంచి మెసేజింగ్ యాప్ల (WhatsApp, Telegram, Signal) వినియోగ నియమాల్లో కేంద్ర ప్రభుత్వం కీలక మార్పులు తీసుకొచ్చింది. పెరుగుతున్న ఆన్లైన్ మోసాలకు చెక్ పెట్టేందుకు ఈ కొత్త నిబంధనలను కఠినంగా అమలు చేస్తోంది. ఆ వివరాలు మీకోసం..
సిమ్ తీస్తే.. వాట్సాప్ బంద్ (SIM Binding)
ఇకపై మీరు ఒక నంబర్తో వాట్సాప్ వాడాలంటే, ఆ నంబర్ ఉన్న సిమ్ కార్డు కచ్చితంగా మీ ఫోన్లో ఉండాల్సిందే!
బ్యాంకింగ్ యాప్స్ తరహాలోనే: PhonePe, GPay లాంటి యాప్స్కి ఫోన్లో సిమ్ ఎలా ఉండాలో, ఇప్పుడు వాట్సాప్కు కూడా ఈ ‘సిమ్ బైండింగ్’ నిబంధనను తప్పనిసరి చేశారు.
సిమ్ తీసేస్తే ఏమవుతుంది?: ఒకవేళ మీరు మీ ఫోన్ నుంచి సిమ్ కార్డు తీసేసినా, నెట్వర్క్ నిలిచిపోయినా లేదా సిమ్ డ్యామేజ్ అయినా.. మీ వాట్సాప్ అకౌంట్ వెంటనే పనిచేయడం ఆగిపోతుంది. మళ్లీ అదే సిమ్ వేసి వెరిఫై చేస్తేనే అకౌంట్ ఓపెన్ అవుతుంది. (+91 తో మొదలయ్యే అన్ని నంబర్లకూ ఇది వర్తిస్తుంది).
వెబ్ యూజర్లకు షాక్.. 6 గంటలకే లాగౌట్!
ఆఫీసు పనుల కోసం డెస్క్టాప్ లేదా ల్యాప్టాప్లో వాట్సాప్ వెబ్ (WhatsApp Web) వాడేవారికి ఇది కాస్త ఇబ్బందికర వార్తే.
గతంలో ఒకసారి క్యూఆర్ కోడ్ (QR Code) స్కాన్ చేసి లాగిన్ అయితే.. నెలల తరబడి అలాగే ఉండేది. కానీ ఇప్పుడు ప్రతి 6 గంటలకు ఒకసారి దానంతట అదే లాగౌట్ అయిపోతుంది.
దీనివల్ల మీరు ఆఫీసులో ఉన్నంత సేపు ప్రతి ఆరు గంటలకు ఒకసారి మళ్లీ ఫోన్తో క్యూఆర్ కోడ్ స్కాన్ చేసి, ఓటీపీ వెరిఫికేషన్ చేసుకోవాల్సి ఉంటుంది.
ఈ కొత్త రూల్స్ ఎందుకు?
సైబర్ నేరగాళ్లు ఏ ఫోన్లోనూ సిమ్ కార్డు లేకుండానే, అమాయకుల ఓటీపీలు దొంగిలించి విదేశాల నుంచి ఫేక్ వాట్సాప్ అకౌంట్లు నడుపుతున్నారు. ఈ మోసాలకు అడ్డుకట్ట వేయడానికే టెలికాం చట్టం 2023 కింద టెలికమ్యూనికేషన్స్ శాఖ ఈ నిర్ణయం తీసుకుంది. టెక్ కంపెనీలకు ఇచ్చిన 90 రోజుల గడువు ముగియడంతో మార్చి 1 నుంచి ఈ రూల్స్ అమల్లోకి వచ్చాయి.
గమనిక: మీ ప్రైమరీ మొబైల్లో సిమ్ కార్డు ఉంటే మాత్రం మీ వాట్సాప్ వాడకానికి ఎలాంటి ఇబ్బందీ ఉండదు. ఈ సమాచారాన్ని మీ స్నేహితులకు కూడా షేర్ చేసి వారిని అలర్ట్ చేయండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/