Vastu Tips:పొరపాటున కూడా ఈ 4 వస్తువులను మీ బెడ్రూమ్లో ఉంచకండి.. వాస్తు శాస్త్రం ఏం చెబుతోందంటే!
Vastu Tips:పొరపాటున కూడా ఈ 4 వస్తువులను మీ బెడ్రూమ్లో ఉంచకండి.. వాస్తు శాస్త్రం ఏం చెబుతోందంటే.. పగలంతా కష్టపడి అలిసిపోయి ఇంటికి రాగానే మనకు ప్రశాంతతను ఇచ్చే ప్రదేశం బెడ్రూమ్ (పడకగది). ముఖ్యంగా దంపతుల మధ్య అన్యోన్యతకు, సంతోషకరమైన జీవితానికి ఇది చాలా ముఖ్యం.
అయితే, వాస్తు శాస్త్రం ప్రకారం బెడ్రూమ్లో కొన్ని వస్తువులను అస్సలు ఉంచకూడదు. ఒకవేళ ఉంచితే అనవసరమైన గొడవలు, ప్రశాంతత లోపించడం వంటివి జరుగుతాయని నిపుణులు హెచ్చరిస్తున్నారు.మరి బెడ్రూమ్లో సానుకూల వాతావరణం (Positive Energy) ఉండాలంటే ఎలాంటి వస్తువులు ఉండకూడదో ఇప్పుడు చూద్దాం:
1. మంచానికి ఎదురుగా అద్దం (Mirror)
చాలామంది బెడ్రూమ్లో డ్రెస్సింగ్ టేబుల్ లేదా పెద్ద అద్దాలు పెట్టుకుంటారు. వాస్తు ప్రకారం, మీరు పడుకునే మంచం అద్దంలో ప్రతిబింబించకూడదు. నిద్రపోయేటప్పుడు మీ రూపం అద్దంలో పడటం వల్ల ఇంట్లో నెగెటివ్ ఎనర్జీ పెరుగుతుంది. అద్దం ఉండాల్సి వస్తే, మంచానికి పక్కగా ఉండేలా చూసుకోండి.
2. కళ్లు తెరవగానే గోడ గడియారం (Wall Clock)
నిద్ర లేవగానే సమయం చూసుకోవడానికి మంచానికి సరిగ్గా ఎదురుగా గోడ గడియారాన్ని తగిలిస్తుంటారు. వాస్తు ప్రకారం ఇది సరైనది కాదు. పదే పదే సమయం చూసుకోవడం వల్ల మానసిక ఒత్తిడి, ఆందోళన పెరుగుతాయి. గడియారాన్ని మంచానికి పక్కగా లేదా నిద్రలేవగానే నేరుగా కనిపించని చోట పెట్టుకోవడం మంచిది.
3. దేవుడి పటాలు, విగ్రహాలు
ఉదయం లేవగానే దేవుడిని దర్శించుకోవాలనే ఉద్దేశ్యంతో దంపతుల పడకగదిలో దేవుడి పటాలు, విగ్రహాలు పెడుతుంటారు. కానీ వాస్తు ప్రకారం ఇది ఆచార విరుద్ధం (పిల్లల గదుల్లో మినహాయింపు). పూజగదిలో లేదా హాల్లో దేవుడి పటాలు పెట్టుకోవాలి. ఉదయం లేవగానే “కరాగ్రే వసతే లక్ష్మీ” శ్లోకం చదువుతూ రెండు చేతులను చూసుకోవడం మన ప్రాచీన సంప్రదాయం అని పండితులు చెబుతున్నారు.
4. జంతువుల బొమ్మలు లేదా చిత్రాలు
సింహం, పులి, కుక్కలు, పిల్లులు వంటి జంతువుల చిత్రాలను లేదా బొమ్మలను బెడ్రూమ్లో అస్సలు ఉంచకూడదు. ఇవి ప్రశాంతతను దూరం చేస్తాయి. వీటికి బదులుగా బెడ్రూమ్లో నెమలి ఈకలు ఉంచుకోవడం చాలా మంచిది. ఇవి భార్యాభర్తల మధ్య సఖ్యతను, ప్రేమను పెంచి, గ్రహ దోషాలను తొలగిస్తాయి.
ఈ చిన్న చిన్న వాస్తు మార్పులు చేసుకొని మీ పడకగదిని ప్రశాంతమైన నిలయంగా మార్చుకోండి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/