జాను 5 రోజుల కలెక్షన్లు.. డిజాస్టర్ కన్ఫమ్

యంగ్ హీరో శర్వానంద్, స్టార్ బ్యూటీ సమంత కలిసి నటించిన తాజా చిత్రం జాను ఇటీవల రిలీజ్ అయ్యి బాక్సాఫీస్ వద్ద మిక్సిడ్ టాక్‌ను సొంతం చేసుకుంది.తమిళంలో సూపర్ సక్సెస్ అయిన 96 చిత్రానికి రీమేక్‌గా తెరకెక్కిన ఈ సినిమాకు తెలుగులో అంత ఆదరణ లభించలేదని చిత్ర వసూళ్లు చూస్తే తెలుస్తోంది.

సమంత లాంటి స్టార్ హీరోయిన్, శర్వానంద్ లాంటి హీరో ఉన్నా, ఈ సినిమా కథ కూడా బాగున్నా, కథనం చాలా నెమ్మదించడంతో ప్రేక్షకులు ఈ సినిమా చూసేందుకు ఆసక్తి చూపించలేదు.సినిమా రిలీజ్ రోజున మంటి వసూళ్లు సాధించినా, ఫస్ట్ వీకెండ్ ముగిసే సరికి ఈ సినిమా కలెక్షన్లు తగ్గుముఖం పట్టాయి.

ఇక వీక్ డేస్‌లో ఆ కలెక్షన్లు మరింతగా తగ్గాయి.దీంతో ఈ సినిమా 5 రోజుల్లో కేవలం రూ.6.37 కోట్లు మాత్రమే వసూళ్లు సాధించింది.రెండు తెలుగు రాష్ట్రాల్లో ఈ సినిమాకు క్రేజ్ తగ్గడం, విజయ్ దేవరకొండ నటించిన వరల్డ్ ఫేమస్ లవర్ సినిమా రిలీజ్ కానుండటంతో ఈ కలెక్షన్లు మరింత దారుణంగా తగ్గే అవకాశం ఉందని చిత్ర వర్గాలు అంటున్నాయి.ఇక ఏరియాల వారీగా ఈ సినిమా 5 రోజుల కలెక్షన్లు ఈ విధంగా ఉన్నాయి.

నైజాం – 2.55 కోట్లు
సీడెడ్ – 81 లక్షలు
గుంటూరు – 55 లక్షలు
ఉత్తరాంధ్ర – 1.07 లక్షలు
ఈస్ట్ – 42 లక్షలు
వెస్ట్ – 32 లక్షలు
కృష్ణా – 45 లక్షలు
నెల్లూరు – 20 లక్షలు
టోటల్ ఏపీ+తెలంగాణ – 6.37 కోట్లు