పెరుగుతున్న వయస్సును ఆదికమించటం ఎలా?

వృద్ధాప్యం అనేది మనిషి జీవితంలో సర్వసాధారణం. అలా అని ముందే ఆహ్వానించడం సరికాదు. అందంగా, యవ్వనంగా కనిపించడానికి ఉపకరించే రకరకాల సౌందర్య సాధనాలను పలు కంపెనీలు మార్కెట్ లోకి విడుదల చేస్తున్నాయి. అయితే వాటి ఫలితం కొంతవరకే! పూర్తి ఫలితాన్ని పొందలేరు. వాటిమీద ఆధారపడకుండా కొద్దిపాటి జాగ్రత్తలు తీసుకుంటే వృద్ధాప్యం ఛాయల నుంచి తేలికగా తప్పించుకోవచ్చు.

ముఖం మీద ముడతలు, మచ్చలు అకాల వృద్ధాప్యాన్ని సూచిస్తాయి. వ్యాయామం ఆరోగ్యనికే కాకుండా అందాన్ని కూడా పరిరక్షిస్తుంది. ప్రతి రోజు ఓ గంట జాగింగ్ లేదా బ్రిస్క్ వాకింగ్ కనుక చేసినట్లయితే ఆరోగ్యంతో పాటు అందంగా కనిపించటానికి వీలు ఉంటుంది.

పోషకాహార లోపం కూడా అకాల వృద్ధాప్యానికి కారణం అవుతుంది. తీసుకొనే ఆహారంలో యాంటి ఆక్సిడెంట్స్ ఎక్కువగా ఉండేలా చూసుకోవాలి. అంతేకాకుండా నీరు ఎక్కువగా త్రాగటం వలన కూడా వృద్ధాప్య చాయల నుండి తప్పించుకోవచ్చు. నీరు చర్మానికి మాయిశ్చరైజర్ గా పనిచేస్తుంది.

మేకప్ తో కూడా కొంత అందాన్ని పెంచుకోవచ్చు. కొన్ని రకాల సౌందర్య సాదనాలతో ముఖం మీద ముడతలు,మచ్చలను తొలగించుకోవచ్చు. అయితే వీటిని ఉపయోగించే ముందు నిపుణుల సలహా తీసుకోవటం మంచిది.

సూర్యుని కిరణాల ప్రభావం చర్మం మీద చాలా తీవ్రంగా ఉంటుంది. చర్మం ఎండినట్లు కనపడటానికి ఈ కిరణాల ప్రభావమే కావచ్చు. ఎండలో బయటకు వెళ్ళేటప్పుడు కొన్ని జాగ్రత్తలు తీసుకుంటే మంచిది.