కోడిగుడ్డు మసాలా

కావలసిన పదార్ధాలు
కోడిగుడ్డు 4
పెద్ద ఉల్లిపాయలు 2
టమాట 1
పచ్చి మిరపకాయలు 2
కారం 1 టీస్పూన్
పసుపు 1/2 టీస్పూన్
జీలకర్ర పొడి 1 టీస్పూన్
ధనియాల పొడి 1 టీస్పూన్
కరివేపాకు 1 రెమ్మ
ఉప్పు తగినంత
నూనె 3 టేబుల్ స్పూన్

తయారి విధానం
కోడిగుడ్డులు బాగా ఉడికించాలి. గుడ్డు పొట్టుతీసి, అక్కడక్కడా నిలువగా గీతలు పెట్టాలి. ఉల్లిపాయలు సన్నగా కోసి ఉంచుకోవాలి. ఒక్కో టమాటాని ఆరు ముక్కలుగా కోసుకోవాలి. పచ్చి మిరపకాయలు చీలికలుగా కోసుకోవాలి. ఒక పాన్ లోకి నూనె తీసుకొని వేడి చేసుకోవాలి. ఉల్లిపాయలు, టమాటాలు, పచ్చిమిరపకాయలు, కరివేపాకు వేసి కలిపి బాగా వేగించాలి. దీనికి జీలకర్ర పొడి, ధనియాల పొడి, కారం, ఉప్పు, పసుపు వేసి కలిపి బాగా వేగించాలి. ఎప్పుడైతే మసాలా దగ్గరకు అవుతుందో, అప్పుడు కోడిగుడ్లు వేసి కలుపుకోవాలి. 5 నిముషాలు ఆలా ఉంచి
మంట మీదనుంచి దించాలి.అన్నంతోగాని లేదా చపాతీతో గాని వేడివేడిగా వడ్డించండి.