MoviesTollywood news in telugu

అకీరా సినిమాలో నటిస్తున్నాడా…సీక్రెట్ గా ఎందుకు ఉంచారో…?

Akira Nandan :శ‌శికిర‌ణ్ తిక్క తెరకెక్కిస్తోన్న ‘మేజర్’ మూవీలో ఈ మధ్య కాలంలో ‘క్ష‌ణం’, ‘గూఢ‌చారి’, ‘ఎవరు’ వంటి సూపర్ హిట్ సినిమాలతో టాలీవుడ్ లో తనకంటూ ఒక ప్రత్యేకమైన స్థానాన్ని సంపాదించుకున్న అడవి శేష్ హీరో గా చేస్తున్నాడు. శోబిత ధూళిపాల్ల, బాలీవుడ్ బ్యూటీ సాయి మంజ్రేకర్ కీలక పాత్రల్లో నటిస్తున్నారు. అయితే ఈ మూవీలో పవర్ స్టార్ పవన్ కళ్యాణ్ కొడుకు అఖీరా నందన్ నటిస్తున్నట్టు టాక్.

సోనీ పిక్చ‌ర్స్ ఇంట‌ర్నేష‌న‌ల్ ప్రొడ‌క్ష‌న్స్, టాలీవుడ్ సూప‌ర్‌స్టార్ మ‌హేష్ బాబు నిర్మాణ సంస్థ జి మ‌హేష్‌బాబు ఎంట‌ర్‌టైన్‌మెంట్ సంయుక్తంగా ఈ సినిమా నిర్మిస్తున్నాయి. అసలే ఈ మూవీపై భారీగా అంచనాలు ఉండగా, అకిరా నటిస్తున్నాడని టాక్ రావడంతో ఇంకా అంచనాలు పెరిగిపోతున్నాయి. ముంబైలో జరిగిన ఉగ్రదాడుల్లో వీర మరణం పొందిన మేజర్ సందీప్ ఉన్నికృష్ణన్ జీవిత కథ ఆధారంగా ఈ మూవీ తీస్తున్నారు.

మేజర్ సందీప్ ఉన్నికృష్ణన్ గా చిన్నప్పటి హీరో పాత్రలో అకీరా కనిపిస్తున్నాడని అంటున్నారు. ఇదే నిజమైతే మెగా వారసుడి ఎంట్రీ అదిరిపోయినట్టే. ఇది నిజమో కాదో క్లారిటీ రావాల్సి ఉంది. పాన్ ఇండియా సినిమాగా రూపొందుతున్న ‘మేజర్’ నుంచి డిసెంబర్ 17న ఫస్ట్ లుక్ పోస్టర్ రిలీజ్ చేస్తారని అంటున్నారు. మహేష్ బాబు నిర్మాతగా ఉన్నా, ఈ సినిమా బాధ్యతలన్ని పూర్తిగా అడవి శేష్ మీదే పెట్టాడు. అడవి శేష్ టాలెంట్ ఏంటో ఇప్పటికే ప్రూవ్ అవ్వడమే ఇందుకు కారణం.