కార్తీక దీపం సౌందర్య వయస్సు కూడా ఆశ్చర్యమే…ఎంతో తెలుసా?
karthika deepam soundarya : తెలుగు బుల్లితెర రంగంలో సీరియల్స్ హవా సాగుతోంది. అందులో టాప్ రేటింగ్ లో మొదటి నుంచి దూసుకుపోతున్న కార్తీకదీపం సీరియల్ తెలుగు రాష్ట్రాల్లో చాలా పాపులర్ గా మారింది. ఈ సీరియల్ ముందు బిగ్ బాస్ లాంటి రియాల్టీ షోలు, స్టార్ హీరోల సినిమాల రేటింగ్స్ సైతం సాటిరాలేదు. ఇప్పటికీ కార్తీక దీపం టాప్ రేటింగ్స్ తెచ్చిపెడుతోంది. ఇక ఆ సీరియల్’లో ఉండే క్యారెక్టర్స్‌ను ఓ సారి పరిశీలిస్తే, కార్తిక్‌గా నిరుపమ్ పరిటాల ఆకట్టుకుంటుంటే, దీప పాత్రలో మలయాళీ భామ ప్రేమి విశ్వనాథ్ వచ్చిరాని తెలుగుతో పరవాలేదనిపిస్తూ వంటలక్కగా పాపులారిటీ తెచ్చుకుంది.
కేవలం ఈ రెండు పాత్రలే కాకుండా అత్తమ్మ సౌందర్య పాత్ర కూడా ఎంతో హుందా గా ఆకట్టుకుంటోంది. అయితే పవర్ఫుల్ లేడిగా మంచి అత్తగా చేస్తోన్న నటి అర్చన అనంత్ కర్నాటకలో పుట్టి పెరిగింది. ఈ అందాల అర్చన ప్రస్తుతం కార్తీక దీపంతో పాటు స్టార్ మా లోనే ‘కేరాఫ్‌ అనసూయ’ పేరుతో వస్తోన్న సీరియాల్‌లో కూడా మంచి పవర్ఫుల్ పాత్ర పోషిస్తోంది. నిజానికి అర్చన ఫ్యాషన్‌ డిజైనర్‌గా తనకంటూ ఓ గుర్తింపు తెచ్చుకోవాలని ఆరాటపడి, అది కలిసిరాక తర్వాత నటి గా మారి, టీవీ తెరపై నట విశ్వరూపం ప్రదర్శిస్తోంది.
ఫ్యాషన్‌ డిజైనర్‌గా చేస్తున్నవేళ, తన సహచరులు ఓ కన్నడ ప్రాజెక్ట్‌ కోసం ఆడిషన్‌ ఇవ్వమని కోరగా.. సరే, అడిగారు కదా అని వెళ్లి ఆడిషన్‌లో పాల్గొనడంతో నటించే ఛాన్స్ వచ్చిందని ఇటీవల అర్చన ఓ మీడియాతో మాట్లాడుతూ వివరించింది. ఓ శవంలా పడుకోవడమనే పాత్రతో నటజీవితం స్టార్ట్ చేసి, నటనా ప్రయాణం సాగిస్తు న్నట్లు చెప్పుకొచ్చింది. ఈమె తండ్రి కన్నడ సినిమాలో పేరున్న నటుడు అనంత వేలు. కన్నడలో ఇప్పటికే మూడు చిత్రాలు చేశానని.. కానీ తెలుగులో ఇంకా ఎంట్రీ ఇవ్వలేదని.. ఓ పవర్ఫుల్ పోలీసాఫీర్‌గా కనిపించాలనుకుంటున్నాను. అలాగే ‘దాసీ’ క్యారెక్టర్‌లో కూడా నటించాలని ఉందని వివరించింది. ఇంతకీ ఈమె వయస్సు కేవలం 33 సంవత్సరాలేనట.