వడ్డే నవీన్ ఇప్పుడు ఏమి చేస్తున్నాడో తెలుసా?

ప్రముఖ నిర్మాత వడ్డే రమేష్ తనయుడిగా టాలీవుడ్ హీరోగా పరిచయమైన వడ్డే నవీన్ పలు సినిమాలతో ఆడియన్స్ కి దగ్గరై, హఠాత్తుగా ఇండస్ట్రీకి దూరమయ్యాడు. అయితే మొన్న మా ఎన్నికల పోలింగ్ సందర్బంగా ఓటు వేయడానికి వచ్చిన నవీన్ తళుక్కున మెరిశాడు. మంచి కథలు, మంచి పాత్రలు వస్తే సినిమాలు చేసేందుకు సిద్దమని మీడియాకు వెల్లడించిన నవీన్ ఇక ఇంటర్వ్యూలు ఇచ్చేంత అవసరం రాలేదని, త్వరలోనే అవి కూడా ఇస్తానని అన్నాడు.

1990 ప్రాంతంలో వచ్చిన సూపర్ హీరోలలో ఒకడైన నవీన్ కోరుకున్న ప్రియుడు సినిమాతో హీరోగా ఇండస్ట్రీకి పరిచయమయ్యాడు. కోడి రామకృష్ణ దర్శకత్వం వహించాడు. మొదటి సినిమాతోనే మంచి నటుడని అనిపించుకున్న నవీన్.. ఆ తర్వాత మనసిచ్చి చూడు, స్నేహితులు, ప్రేమించే మనసు, మా బాలాజీ, బాగున్నారా, నా ఊపిరి… ఇలా దాదాపు 30 లవ్ అండ్ ఫ్యామిలీ మూవీస్ లలో హీరోగా నటించి తనకంటూ ఓ ఇమేజ్ సొంతంచేసుకున్నాడు.

అయితే పీక్ స్టేజ్ లో కెరీర్ నడుస్తున్న సమయంలో నవీన్ తెరపైన కనుమరుగయ్యారు. 2001 తర్వాత నవీన్ చేసిన ఏ సినిమా కూడా విజయాన్ని అందుకోలేదు. వివాదాస్పద దర్శకుడు రామ్ గోపాల్ వర్మ దర్శకత్వంలో వచ్చిన ఎటాక్ మూవీ నవీన్ చివరిగా కన్పించిన మూవీ. ఆ తర్వాత కనీసం బయట ఇంటర్వ్యూలు కూడా ఇవ్వడం లేదు. వరుసగా సినిమాలు కూడా ఫ్లాప్ కావడం కూడా నవీన్ సినిమాలకు దూరం కావడానికి కూడా ఓ కారణం. ప్రస్తుతం బిజినెస్ చేస్తూ బిజీగా ఉన్నాడు.