ఈగ సినిమాకి పోటీగా వచ్చిన సినిమాల పరిస్థితి ఏమిటో…?

Eega Movie Unknown facts :మగధీర తర్వాత ఎస్ ఎస్ రాజమౌళి తెరకెక్కించిన ఈగ సినిమా బ్లాక్ బస్టర్ హిట్ అందుకుంది. నాని కీలక పాత్ర పోషించిన ఈ సినిమాలో సమంత హీరోయిన్. కన్నడ నటుడు సుదీప్ విలన్ గా చేసాడు. విజువల్ వండర్స్ కి ప్రాధాన్యత నిస్తూ తీసిన ఈ సినిమా ఆద్యంతం అలరించి,మంచి కలెక్షన్స్ రాబట్టింది. 2012జులై 6న రిలీజైన ఈ సినిమా కేవలం తెలుగు వెర్షన్ లో 42కోట్ల షేర్ రాబట్టి, అందరినీ ఆశ్చర్య పరిచింది.

ఈగ మూవీకి రెండు వారాల ముందుగా జూన్ 23న రిలీజైన మేం వయస్సుకి వచ్చాం మూవీ లో తనీష్,నీతి జంటగా నటించారు. అయితే ఈ మూవీ నిరాశపరిచింది. శ్రీకాంత్, జెడి చక్రవర్తి నటించిన ఆల్ ది బెస్ట్ మూవీ ఈగ మూవీకి వారం ముందు రిలీజయింది. జెడి చక్రవర్తి డైరెక్ట్ చేసిన ఈ మూవీ డిజాస్టర్ గా నిలిచింది. అజిత్ హీరోగా నటించిన డబ్బింగ్ మూవీ డేవిడ్ భిల్లా మూవీ జులై 13న వచ్చింది. అయితే తెలుగులో ప్లాప్ అయింది.

జులై 20న తూనీగ తూనీగ మూవీ వచ్చింది. ఎం ఎస్ రాజు డైరెక్ట్ చేసిన ఈ మూవీ సుమంత్ అశ్విన్, రియా చక్రవర్తి జంటగా నటించారు. బిలో ఏవరేజ్ అయింది. ఆతర్వాత భారీ అంచనాల నడుమ బాలయ్య, మంచు మనోజ్ నటించిన ఊ కొడతారా ఉలిక్కి పడతారా మూవీ రిలీజయింది. భారీ ఓపెనింగ్స్ అయితే వచ్చాయి గానీ సినిమా ప్లాప్ అయింది.