మాస్ మహారాజ్ రవితేజ చేసిన రీమేక్ మూవీస్ ఎన్ని ఉన్నాయో…?

Ravi Teja Remake Movies : మాస్ మహారాజ్ రవితేజ ఎన్నో హిట్స్, బ్లాక్ బస్టర్స్ అందుకున్నాడు. అయితే ఇందులో కొన్ని రీమేక్ మూవీస్ ఉన్నాయి. వాటి వివరాల్లోకి వెళ్తే, మీనా హీరోయిన్ గా నటించిన అమ్మాయికోసం మూవీలో నలుగురు ఫ్రెండ్స్ లో ఒకడిగా రవితేజ నటించాడు. ఇది తమిళ మూవీ తుళ్ళి తురాంతకాలం కి రీమేక్. తమిళంలో ఖుష్భు చేసిన పాత్రను తెలుగులో మీనా చేసింది.

ఈ సినిమా మంచి విజయాన్ని అందుకుంది. 2000లో వచ్చిన తిరుమల తిరుపతి వేంకటేశ మూవీలో రవితేజ, శ్రీకాంత్, బ్రహ్మానందం నటించారు. ఇది తమిళంలో వచ్చిన తిరుపతి తిరుమల వెంకటేసై మూవీకి రీమేక్. ఈవీవీ సత్యనారాయణ డైరెక్ట్ చేసిన ఈ మూవీ ఆడియన్స్ ఆదరణ చూరగొంది.

ఇక పుటంపుడు పయనం మూవీకి రీమేక్ గా వచ్చిన చిరంజీవులు మూవీలో నలుగురు ఫ్రెండ్స్ లో ఒకరిగా రవితేజ నటించాడు. 2001లో వచ్చిన ఈ మూవీ పెద్దగా ఆకట్టుకోలేదు. కన్నడలో వచ్చిన అప్పు సినిమాను డైరెక్ట్ చేసిన పూరి జగన్నాధ్ తెలుగులో ఇడియట్ పేరిట రీమేక్ చేయగా, 2002లో రిలీజై, బ్లాక్ బస్టర్ విజయం సాధించింది.

మలయాళంలో వచ్చిన మీసమాధవన్ మూవీకి రీమేక్ గా తెలుగులో వచ్చిన దొంగోడు మూవీలో రవితేజ నటించాడు. 2003లో వచ్చిన ఈ మూవీ ఏవరేజ్ అయింది. భీమినేని శ్రీనివాసరావు దర్శకత్వం వహించారు. తమిళ మూవీ ఆటోగ్రాఫ్ కి రీమేక్ గా రవితేజ హీరోగా నా ఆటోగ్రాఫ్ స్వీట్ మెమరీస్ మూవీ తెలుగులో రిలీజయింది. కీరవాణి సాంగ్స్ ఆకట్టుకున్నాయి. సినిమా మాత్రం ఏవరేజ్ అయింది.

విక్రమ్ నటించిన తమిళ మూవీ భూల్ సినిమాకు రీమేక్ గా రవిరాజా పినిశెట్టి డైరెక్షన్ లో తెలుగులో వచ్చిన వీడే మూవీలో రవితేజ నటించాడు. 2003లో వచ్చిన ఈ మూవీ పర్వాలేదనిపించుకుంది. 2010లో సముద్రగని డైరెక్షన్ లో వచ్చిన శంభో శివ శంభో మూవీ ఎబో ఏవరేజ్ అయింది. ఇది తమిళ మూవీ నాగుడిగళ్ మూవీకి రీమేక్.