బ్రో మూవీ ప్రీ రిలీజ్ ఈవెంట్ ఆ రోజేనా…ఎక్కడ జరుగుతుందో…?
Bro Pre Release Event:పవన్ కళ్యాణ్(Pawan Kalyan), సాయిధరమ్తేజ్(Sai Dharam Tej) కాంబినేషన్ లో మొదటిసారిగా వస్తున్న BRO సినిమా జూలై 28న ప్రపంచ వ్యాప్తంగా విడుదల అవుతుంది. ఫాంటసీ ఎంటర్టైనర్గా రూపొందుతోన్న ఈ సినిమాకి సముద్రఖని దర్శకత్వం వహిస్తోన్నాడు.
ఈ సినిమా ప్రీ రిలీజ్ ఈవెంట్ డేట్ తో పాటు వేదిక ఖరారైనట్లు సమాచారం. జూలై 25న హైదరాబాద్లోని శిల్పాకళావేదికలో బ్రో మూవీ ప్రీ రిలీజ్ ఈవెంట్ను గ్రాండ్గా నిర్వహించేందుకు సినిమా యూనిట్ సన్నాహాలు చేస్తోన్నట్లు తెలిసింది. ఈ వేడుకకు పవన్ కళ్యాణ్ చీఫ్ గెస్ట్గా హాజరుకానున్నాడు.
అర్ధాంతరంగా కన్నుమూసిన ఓ వ్యక్తికి దేవుడు సెకండ్ ఛాన్స్ ఇస్తే ఏం జరిగిందనే కథతో ఈ సినిమా తెరకెక్కింది. ఇందులో టైమ్ అనే పాత్రలో పవన్ కళ్యాణ్, మార్కాండేయులు అలియాస్ మార్క్ అనే క్యారెక్టర్లో సాయిధరమ్తేజ్ కనిపించబోతున్నాడు. ఈ సినిమాకి అగ్ర దర్శకుడు త్రివిక్రమ్ స్క్రీన్ప్లేతో పాటు సంభాషణలను అందిస్తోన్నారు. దాంతో ఈ సినిమాపై అంచనాలు భారీగానే ఉన్నాయి.